Share Market : இரண்டாவது நாளாக சரிவில் தொடங்கிய இந்திய பங்குச்சந்தை... முதலீட்டாளர்கள் கவலை...

Share Market : இந்திய பங்குச்சந்தையானது இன்று காலை சரிவுடன் தொடங்கி உள்ளது.

Written By : உமா பார்கவி | Updated at : 04 Jan 2023 09:38 AM (IST)

பங்குச்சந்தை

Share Market : இந்திய பங்குச்சந்தையானது இன்று காலை சரிவுடன் தொடங்கி உள்ளது.

இந்திய பங்கு சந்தை சரிவுடன தொடங்கி வர்த்தமாகி வருகிறது. மும்பை சந்தை குறியீடான சென்செக்ஸ், 35.19 புள்ளிகள் சரிந்து 61,259.01 ஆகவும், தேசிய பங்குச் சந்தை குறியீடான நிஃப்டி 9.55 புள்ளிகள் சரிந்து 18,223.00 புள்ளிகளாகவும் வர்த்தகமாகி வருகிறது. பங்குச்சந்தையானது இரண்டாவது நாளாக சரிவுடம் தொடங்கியதால் முதலீட்டாளர்கள் மத்தியில் கவலையை ஏற்படுத்தியுள்ளது.

லாபம்-நஷ்டம்

எச்டிஎஃப்சி லைப், சன் பார்மா, எஸ்பிஐ, ஆக்சிஸ் வங்கி, கிராசிம், பிரிட்டானியா, ஐசிஐசிஐ வங்கி, எச்டிஎஃப்சி வங்கி, அல்ட்ரா டெக் சிமெண்ட், எம்எம், லார்சன், மாருதி சுசிகி, அதாணி எட்டர்பிரிஸ், எச்யுஎல், பஜாஜ் பின்சர்வ் உள்ளிட்ட நிறுவனங்களின் பங்குகள் ஏற்றம் கண்டுள்ளன.

ஹின்டல்கோ, ஓஎன்ஜிசி, டாடா ஸ்டீல், டாடா மோட்டார்ஸ், கோல் இந்தியா, இன்போசிஸ், விப்ரோ, பவர்கிரிட் கார்ப், ஐடிசி, டிசிஎஸ், பாரதி ஏர்டெல், சிப்ளா, அப்போலோ மருத்துவமனை, பஜாஜ் ஆட்டோ, டெட்டன் கம்பெணி, கோடக் மகேந்திரா, டெக் மகேந்திரா, நெஸ்டீலே, எச்சிஎல் டெக் உள்ளிட்ட நிறுவனங்களின் பங்குகள் சரிவை கண்டுள்ளன.

கொரோனா தாக்கம்

பணவீக்கத்தை கட்டுப்படுத்தும் நோக்கில் மத்திய வங்கிகளானது தொடர்ந்து வட்டி விகிதத்தை அதிகரித்து வருகின்றன. ரஷ்யா-உக்ரைன் போர் 11 மாதங்களுக்கும் மேலாக நீடித்து வரும் நிலையில், இதுவும் பங்குச்சந்தைகளில் தாக்கத்தினை ஏற்படுத்தியுள்ளது.

இதுமட்டுமின்றி, சீனா, அமெரிக்கா, பிரான்ஸ் உள்ளிட்ட நாடுகளில் கொரோனா தாக்கமானது அதிகரித்து வருகிறது. இதனால் பல்வேறு கட்டுப்பாடுகள் விதிக்கப்பட்டுள்ளது. உலகின் 2-வது மிகப்பெரிய பொருளாதாரத்தை கொண்ட சீனாவில் கொரோனா அதிகரித்து வருவதால், முதலீட்டாளர்கள் மத்தியில் கவலையை ஏற்படுத்தியுள்ளது. இதனால் இந்த வாரத்தில் இரண்டாவது நாளாக இந்திய பங்குச்சந்தை சரிவுடன் தொடங்கியுள்ளது.

ரூபாயின் மதிப்பு