Share Market: சரிவுடன் முடிவடைந்த இந்திய பங்குச்சந்தை... வீழ்ச்சியில் ஐ.டி. நிறுவனங்கள்...!

இந்திய பங்கு சந்தை வார இறுதி நாளான இன்று சரிவுடன் முடிவடைந்தது.

பங்கு சந்தை

உலக பொருளாதார நெருக்கடிக்கு மத்தியில் பணவீக்கம் மற்றும் அதிக வட்டி விகிதங்கள் காரணமாக இந்திய பங்கு சந்தை சரிவை சந்தித்து வருகின்றன.

பங்கு சந்தை நிலவரம்:

இன்றைய நாள் முடிவில், மும்பை சந்தை குறியீடான சென்செக்ஸ், 132.70 புள்ளிகள் குறைந்து 59,900.37 புள்ளிகளாகவும் ,  தேசிய பங்குச் சந்தை குறியீடான நிஃப்டி 132.70 புள்ளிகள் குறைந்து 17,859.45 புள்ளிகளாகவும் வர்த்தகமாகி வருகிறது.

சென்செக்ஸ்-30ல் உள்ள 30 நிறுவனங்களில் 5 நிறுவனங்கள் ஏற்றத்திலும் 25 நிறுவனங்களும் சரிவிலும் காணப்பட்டன. 

Sensex drops 452.90 points to end at 59,900.37; Nifty declines 132.70 points to 17,859.45

— Press Trust of India (@PTI_News) January 6, 2023

லாபம் - நஷ்டம்:

ஐடிசி, லார்சன், எம் & எம், நெஸ்ட்லே, ரிலையன்ஸ் ஆகிய நிறுவனங்கள் ஏற்றம் கண்டன. ஏசியன் பெயிண்ட்ஸ், ஆக்சிஸ் வங்கி, பஜாஜ் ஃபினான்ஸ், ஏர்டெல், கோல் இந்தியா, இன்ஃபோசிஸ், டிசிஎஸ், டாடா ஸ்டீல், டாடா மோட்டார்ஸ், விப்ரோ உள்ளிட்ட நிறுவனங்கள் சரிவை கண்டன.

சரிவுக்கு காரணம்:

பணவீக்கம் அதிகரித்து வரும் நிலையில், கட்டுப்படுத்தும் விதமாக மத்திய வங்கி வட்டி விகிதத்தை உயர்த்தும் என எதிர்பார்க்கப்படுகிறது. இந்தநிலையில் வெளிநாட்டு முதலீட்டாளர்கள் முதலீடும் சற்று குறைந்ததும், இந்திய பங்குச் சந்தைக்கு சரிவை ஏற்படுத்தியதாக நிபுணர்கள் கருத்து தெரிவித்து வருகின்றனர்.

ரூபாயின் மதிப்பு:

Rupee falls 9 paise to close at 82.71 (provisional) against US dollar

— Press Trust of India (@PTI_News) January 6, 2023

அமெரிக்க டாலருக்கு எதிரான இந்திய ரூபாயின் மதிப்பு 9 காசுகள் சரிந்து 82.71 ரூபாயாக உள்ளது.