மேலும் அறிய

டிஜிட்டல் தங்கம்: ஆதாயம் என்ன ? இறங்கும் முன் கவனிக்க வேண்டியது?

இந்தியர்களுக்கு நகை வாங்குவது மிகவும் விருப்பமான விஷயங்களில் ஒன்று. ஆண்கள், பெண்கள் என அவரவர்க்கு பிடித்த மாதிரி தங்கத்தை அணிவதும், நகைகளை சேமிப்பாக வைப்பதும், இந்திய குடும்பங்களில் உண்டு.

Written By : அகில் ஷர்மிளா | Updated at : 05 Jul 2021 03:23 PM (IST)

டிஜிட்டல் தங்கம்

இந்தியர்களுக்கு நகை வாங்குவது மிகவும் விருப்பமான விஷயங்களில் ஒன்றாகும். ஆண்கள், பெண்கள் என அவரவர்க்கு பிடித்த மாதிரி தங்கத்தை அணிவதும், நகைகளை சேமிப்பாக வைப்பதும், இந்திய குடும்பங்களில் உண்டு. இப்போது ஊரடங்கின் போது , நகைகளை வாங்குவது குறைந்து வரும் நிலையில் , இப்போது, டிஜிட்டல் தங்கம் அறிமுகமாகிறது.

நகை கடைகளுக்கு செல்வது, தங்கத்தை நேரில் சென்று வாங்க தயங்கும் நிலையில், ஆன்லைனில் தங்கம் வாங்குவது, முதலீட்டாளர்களுக்கு சரியான தீர்வாக உள்ளது. டிஜிட்டல் தங்க வர்த்தகர், ஆக்மொன்ட் கோல்ட் லிமிடெட் என்ற நிறுவனத்தில் 40-50% வணிகம் அதிகரித்துள்ளது.டிஜிட்டல் தங்கம் என்றால் என்ன என்பதைத் தெரிந்துகொள்வதற்கு முன்பு அவற்றை பற்றி முழுமையாக தெரிந்து கொள்வோம்.

முதலீடு செய்வதற்கு வழிமுறைகள்

வரலாற்று ரீதியாக பார்க்கையில், தங்க நாணயங்கள், தங்க நகைகள் வாங்குவது, தான் பழக்கமாக இருக்கும். மேலும், தங்க பரஸ்பர நிதிகள், தங்க பாத்திரங்கள் என பல வகைகள் உள்ளது. இந்த பெருந்தொற்று நேரத்தில், டிஜிட்டல் தங்கம் பிரபலமாகி வருகிறது.