Itr Refund Spam: மக்களே உஷார்! இப்படி மெசேஜ் வந்தா க்ளிக் பண்ணிடாதீங்க! வருமான வரி ரீஃபண்டில் மோசடி

Itr Refund Spam: வருமான வரி ரீஃபண்ட் தொடர்பான மோசடி குறித்து, பொதுமக்களுக்கு மத்திய அரசு சார்பில் எச்சரிக்கை விடுக்கப்பட்டுள்ளது.

ஐடிஆர் ரீஃபண்ட் மோசடி

Source : @PIBFactCheck

Itr Refund Spam: வருமான வரி ரீஃபண்ட் தொடர்பான மோசடியில் சிக்கிக் கொள்ளாமல் இருக்குமாறு, மத்திய அரசு அறிவுறுத்தியுள்ளது.

வருமான வரி ரீஃபண்ட் மோசடி: 

வங்கிகள், கிரெடிட் கார்டுகள் அல்லது கேஒய்சி சேவைகள் என தனிநபர்களை ஏமாற்றுவதற்காகப் பயன்படுத்தப்படும்,  மோசடிகள் என்பது தற்போது பரவலாகிவிட்டது. இந்நிலையில், இது வருமான வரி செலுத்துவதற்கான சீசன் என்பதால், அதற்கேற்றார்போல் மோசடி கும்பலும் அப்டேட் ஆகியுள்ளது. அதன்படி, பயனாளர்கள் தாக்கல் செய்த வருமான வரி கணக்கிற்கான ரீஃபண்ட் உறுதி செய்யப்பட்டுள்ளதாக கூறி, குறுஞ்செய்திகள் அனுப்பி மோசடி செய்து வருகின்றனர். இதுதொடர்பாக அவர்கள் அனுப்பும் குறுஞ்செய்தியை திறந்து, அதில் உள்ள லிங்கை கிளிக் செய்தால் உங்கள் கணக்கில் உள்ள மொத்த தொகையும் காணாமல் போகலாம்.

A viral message claims that the recipient has been approved for an income tax refund of ₹ 15,490.#PIBFactCheck

✔️ This claim is 𝐅𝐚𝐤𝐞.

✔️ @IncomeTaxIndia has 𝐧𝐨𝐭 sent this message.

✔️𝐁𝐞𝐰𝐚𝐫𝐞 of such scams & 𝐫𝐞𝐟𝐫𝐚𝐢𝐧 from sharing your personal information. pic.twitter.com/dsRPkhO3gg

— PIB Fact Check (@PIBFactCheck) August 2, 2023

மத்திய அரசு எச்சரிக்கை:

மத்திய அரச சார்ந்த PIB Fact check வெளியிட்டுள்ள அதிகாரப்பூர்வ ட்வீட் படி, ”குறுஞ்செய்தி ஒன்றில் ”பயனாளர் ரூ. 15, 490/- வரி ரீஃபண்ட் பெற ஒப்புதல் அளிக்கப்பட்டுள்ளது, அந்தத் தொகை உங்கள் கணக்கு வங்கி கணக்கு எண் 5xxxxx6755-ல் வரவு வைக்கப்படும். இது சரியல்ல எனில், கீழே உள்ள இணைப்பைப் பார்வையிடுவதன் மூலம் உங்கள் வங்கிக் கணக்குத் தகவலைப் புதுப்பிக்கவும்” என குறிப்பிடப்பட்டுள்ளது. பணம் செலுத்த வேண்டியிருந்தால், ஐடி துறை பணத்தைத் திரும்பப் பெறுவதற்கான இணைப்பைக் கொடுக்காது, பயனர்கள் இதைப் பற்றி எச்சரிக்கையாக இருக்க வேண்டும். கூடுதலாக, நீங்கள் SMS மூலம் இணைப்பு அனுப்பப்படும் இணையதளங்களில் டெபிட் கார்டு அல்லது கிரெடிட் கார்டு தகவலை வழங்குவதைத் தவிர்க்க வேண்டும், ஏனெனில் இது உங்கள் கார்டு தகவலைத் திருடுவதற்கான மோசடியாக இருக்கலாம்” என எச்சரிக்கப்பட்டுள்ளது.  மேலும், மின்னஞ்சல் மூலம் விரிவான தனிப்பட்ட தகவல்களையும், உங்கள் பின் எண்கள், கடவுச்சொற்கள் அல்லது கிரெடிட் கார்டுகள், வங்கிகள் அல்லது பிற நிதிக் கணக்குகளுக்கான அணுகல் தகவல்களைக் கோரி வருமான வரித்துறை மின்னஞ்சல் எதையும் அனுப்புவதில்லை

முன்னெச்சரிக்கைகள்:

வருமான வரித் துறையால் அங்கீகரிக்கப்பட்டதாகக் கூறிக்கொள்ளும் அல்லது வருமான வரி இணையதளத்திற்கு உங்களை வழிநடத்தும் ஒருவரிடமிருந்து நீங்கள் மின்னஞ்சலைப் பெற்றால்:

• பதிலளிக்க வேண்டாம்.
• எந்த லிங்கையும் திறக்க வேண்டாம். இணைப்புகளில் உங்கள் கணினியைப் பாதிக்கும் தீங்கிழைக்கும் கோட்கள் இருக்கலாம்.
• எந்த இணைப்புகளையும் கிளிக் செய்ய வேண்டாம். சந்தேகத்திற்கிடமான மின்னஞ்சல் அல்லது மோசடி இணையதளத்தில் உள்ள இணைப்புகளை நீங்கள் கிளிக் செய்திருந்தால், வங்கி கணக்கு, கிரெடிட் கார்டு விவரங்கள் போன்ற ரகசிய தகவல்களை உள்ளிட வேண்டாம்.
• உங்கள் பிரவுசர் பக்கத்தில் இருந்து லிங்கை வெட்டி ஒட்டாதீர்கள். மோசடி நபர்கள் இணைப்பை உண்மையானதாக மாற்றலாம், ஆனால் அது உண்மையில் உங்களை வெவ்வேறு இணையதளங்களுக்கு அனுப்பும்.
• வைரஸ் எதிர்ப்பு மென்பொருள், ஸ்பைவேர் எதிர்ப்பு மென்பொருள் மற்றும் ஃபயர்வால் ஆகியவற்றைப் பயன்படுத்தி சாதனங்களை பயன்படுத்தவும். 

போலியான ஐடிஆர் அறிக்கை:

வருமான வரி இணையதளத்தின்படி, ”நீங்கள் மின்னஞ்சலைப் பெற்றாலோ அல்லது வருமான வரித் துறையினுடையது என்று  நீங்கள் நினைக்கும் இணையதளத்தைக் கண்டாலோ, மின்னஞ்சல் அல்லது இணையதள URL ஐ webmanager@incometax.gov.in க்கு அனுப்பவும். மேலும் ஒரு நகலை incident@cert-in.org.in என்ற முகவரிக்கும் அனுப்பலாம். நீங்கள் மின்னஞ்சல் அல்லது தலைப்பு தகவலை வருமான வரித்துறைக்கு அனுப்பிய பிறகு, அந்த குறுஞ்செய்தியை டெலிட் செய்யவும்.