Number Plate History: நம்பர் பிளேட் அறிமுகமானது எந்த நாட்டில்? இந்தியாவிற்கு வந்தது எப்போது? நோக்கம் என்ன?

Number Plate History: வாகனங்களுக்கான நம்பர் பிளேட் நடைமுறை முதன்முதலில் எங்கு தொடங்கியது என்பதை இந்த தொகுப்பில் அறியலாம்.

ஆட்டோமொபைல் செய்திகள்

Source : freepik AI

Number Plate History: வாகனங்களுக்கான நம்பர் பிளேட் நடைமுறை, இந்தியாவிற்கு வந்தது எப்படி என்பது கீழே விவரிக்கப்பட்டுள்ளது.

நம்பர் பிளேட்:

வாகனங்களில் நம்பர் பிளேட் பொருத்துவது என்பது கட்டாயம் . நம்பர் பிளேட் வாகனத்தை அடையாளம் காட்டுகிறது, அது யாருக்கு சொந்தமானது , எந்த மாநிலத்தை சேர்ந்தது போன்ற பல தகவல்களை நம்பர் பிளேட் மூலம் அறியலாம். ஆனால் எந்த நாட்டில் மற்றும் ஏன் வாகனங்களில் முதலில் நம்பர் பிளேட்கள் பொருத்தப்பட்டன என்று உங்களுக்குத் தெரியுமா ? இந்த சுவாரஸ்யமான கேள்விக்கான பதில் கீழே வழங்கப்பட்டுள்ளது .

நம்பர் பிளேட்டுகளின் வரலாறு என்ன?

வாகனங்களில் நம்பர் பிளேட்கள் பொருத்துவது 19 ஆம் நூற்றாண்டின் பிற்பகுதியில் தான் தொடங்கியது. வாகனங்களின் எண்ணிக்கை அதிகரித்து வருவதால், சாலைகளில் போக்குவரத்து நெருக்கடியும் அதிகரித்து வருகிறது. இதனுடன், விபத்துகளின் எண்ணிக்கையும் அதிகரித்து வந்தது. அத்தகைய சூழ்நிலையில், வாகனங்களை அடையாளம் காண ஒரு முறையான வழியைக் கண்டுபிடிப்பது அவசியமானது .

இதன் காரணமாக முதன்முறையாக வாகனங்களில் நம்பர் பிளேட்களை பொருத்திய பெருமை ஃப்ரான்ஸ் நாட்டையே சேரும். 1893 இல் ஃப்ரான்ஸில் முதன்முறையாக மோட்டார் வாகனங்களுக்கு நம்பர் பிளேட் கட்டாயமாக்கப்பட்டது. இந்த நம்பர் பிளேட்களில் வாகனத்தின் பதிவு எண் இருந்தது. அதன் மூலம் காவல்துறை மற்றும் பிற அதிகாரிகள் வாகனத்தை அடையாளம் காண முடியும் .

நம்பர் பிளேட்டுகள் மற்ற நாடுகளுக்கு எப்போது சென்றது?​

ஃபிரான்ஸைத் தொடர்ந்து மற்ற ஐரோப்பிய நாடுகளும் வாகனங்களில் நம்பர் பிளேட்களை நிறுவத் தொடங்கின. 1903ம் ஆண்டு இங்கிலாந்திலும், 1906ம் ஆண்டு ஜெர்மனியிலும் நம்பர் பிளேட்டுகள் கட்டாயமாக்கப்பட்டன. அமெரிக்காவில் 20 ஆம் நூற்றாண்டின் தொடக்கத்தில் தான், பல மாநிலங்கள் வாகனங்களில் நம்பர் பிளேட்களை வைக்க சட்டங்களை இயற்றின .

இந்தியாவிற்கு நம்பர் பிளேட்கள் வந்தது எப்படி?

இந்தியாவில் வாகனங்களில் நம்பர் பிளேட் பொருத்தும் பணி 1947 ஆம் ஆண்டு சுதந்திரத்திற்குப் பிறகே தொடங்கியது. இந்தியாவில், வாகனப் பதிவு எண் , மாநிலக் குறியீடு மற்றும் வாகன வகை ஆகியவை எண் பலகைகளில் குறிப்பிடப்பட்டு இருக்கும். இப்போதெல்லாம், நம்பர் பிளேட்டுகள் வாகனங்களை அடையாளம் காணும் சாதனமாக இல்லை. பல நாடுகளில், நம்பர் பிளேட்டுகளில் வாகனத்தின் உரிமையாளர் பற்றிய பல்வேறு வகையான தகவல்கள் உள்ளன , அதாவது வாகன மாதிரி , இயந்திர எண் , சேஸ் எண் போன்ற தகவல்களும் இடம்பெறுகின்றன.

நம்பர் பிளேட்டுகளின் முக்கியத்துவம் என்ன ?

அடையாளம் காணல்: வாகனங்களை நம்பர் பிளேட் மூலம் எளிதில் அடையாளம் காண முடியும். இதனால் விபத்துக்கள ஏற்படுத்திவிட்டு தப்பிக்க முயலும் குற்றவாளிகளை எளிதாகக் கண்டுபிடிக்க முடியும் .

வரி வசூல்: வாகன உரிமையாளர்களிடமிருந்து நம்பர் பிளேட் மூலம் வரி வசூலிக்கப்படுகிறது .

போக்குவரத்து கட்டுப்பாடு: நம்பர் பிளேட் மூலம் போக்குவரத்து கட்டுப்பாடுகளை மீறுபவர்களை கண்காணிக்க முடியும் என்பதால் விதிமீறல்கள் தவிர்க்கப்படுகின்றன.

குற்றக் கட்டுப்பாடு: திருடப்பட்ட வாகனங்களைக் கண்டுபிடிக்க நம்பர் பிளேட்டுகள் மிகவும் பயனுள்ளதாக இருக்கும் .