ராணுவ வீரர்கள் பயிற்சி பெற்ற மலையை கல்குவாரி அமைத்து அழிக்கிறாங்க - கொந்தளிக்கும் மதுரை மக்கள் !
நாட்டின் அனைத்து எல்லைகளிலும் எங்க கிராமத்து காரங்க ராணுவ வீரராக பாதுகாக்குறாங்க ஆனால் எங்க கிராமத்து மலையை பாதுகாக்க முடியல என மன வேதனையை வெளிப்படுத்திய இளைஞர்கள்.
மலை அழிந்தால் விவசாயம், கால்நடைகள் என எல்லாமும் அழிந்துவிடும் - அரசு நடவடிக்கை எடுக்க வேண்டும் - மாவட்ட ஆட்சியரை சந்தித்து மனு அளித்த மதுரை சங்கரலிங்கபுரம் கிராம இளைஞர்கள், இளம்பெண்கள் வேதனை தெரிவித்தனர்.
மலையை நம்பியுள்ள ஓடைகள்
மதுரை மாவட்டம் பேரையூர் தாலுகாவிற்கு உட்பட்ட சங்கரலிங்கபுரம் கிராமத்தில் உள்ள ஓணான் கரடு என்ற மலையின் நீர் ஆதாரத்தை P. சங்கரலிங்கபுரம், S பாப்பிநாயக்கன்பட்டி, செல்லாயிபுரம், தி. இராமநாதபுரம், மேலத்திருமாணிக்கம், கீழத்திருமாணிக்கம் மற்றும் தி. மீனாட்சிபுரம் ஆகிய 7 கிராமங்களில் உள்ள 4ஆயிரம் ஏக்கர் விவசாய நிலங்கள், 3 கண்மாய், 6 ஊருணிகள், 500 க்கும் மேற்பபட்ட திறந்தவெளி கிணறுகள், 2000 க்கும் மேற்பட்ட ஆழ்துளை கிணறுகள், 15 க்கும் மேற்பட்ட ஓடைகள் நம்பியுள்ளது.
ஓணான் கரடு மலையினை உடைத்து கல்குவாரி
இதனிடையே ஓணான் கரடு மலையினை உடைத்து கல்குவாரி அமைப்பதற்கான அனுமதி வழங்கப்பட்டுள்ளது. இதன்காரணமாக ஓணான் கரடு மலையை உடைத்து கல்குவாரி அமைத்தால் ஏழு கிராமங்களில் உள்ள நீர்நிலைகள் முழுமையாக பாதிக்கப்படும் எனவும் விலங்குகளுக்கு கால்நடைகளுக்கு போதிய தண்ணீர் கிடைக்காத சூழல் ஏற்படும் எனவே குவாரி அனுமதியை ரத்து செய்ய கூறி சங்கரலிங்கபுரம் கிராமத்தைச் சேர்ந்த ஏராளமான இளைஞர்கள் இளம்பெண்கள் மதுரை மாவட்ட ஆட்சியர் அலுவலகத்தில் நடைபெற்ற குறைதீர்க்க கூட்டத்தில் மாவட்ட ஆட்சியர் பிரவீன் குமாரை சந்தித்து மனு அளித்தனர்.
சங்கரலிங்கபுரம் கிராமத்தை சுற்றியுள்ள 7 கிராமங்கள் ஓணான் கரடு மலையை நம்பியுள்ளோம்
இது குறித்து பேசிய கிராம மக்கள்..." சங்கரலிங்கபுரம் கிராமத்தை சுற்றியுள்ள 7 கிராமங்கள் ஓணான் கரடு மலையை நம்பியுள்ளோம் இப்போது கல்குவாரி அமைத்து மலையை உடைத்தால் நீர்நிலைகள் முழுவதிலுமாக சேதமடைந்து விடும் மேலும் விலங்குகள் கால்நடைகளுக்கு தண்ணீர் இல்லாத நிலை ஏற்பட்டு விவசாயம் அழிந்து விடும் எனவும், ராணுவ நகரான எங்க கிராமத்தில் ராணுவ வீரர்கள் பயிற்சிபெற்ற மலையை கல்குவாரி அமைத்து அழிக்கிறாங்க நாட்டின் அனைத்து எல்லைகளிலும் எங்க கிராமத்து காரங்க ராணுவ வீரராக பாதுகாக்குறாங்க, ஆனால் எங்க கிராமத்து மலையை பாதுகாக்க முடியல என தெரிவித்தனர்.
Before You Go
Chicken Fertilizer : இறந்த கோழிகளை என்ன செய்வது ? மாத்தி யோசித்த விவசாயி… கொழிக்கும் வளங்கள்
தலைப்பு செய்திகள்
ட்ரெண்டிங் செய்திகள்
