JioBook | ஆஹா! தரச் சான்றிதழுக்கு அப்ளை பண்ணியாச்சாம்! - அப்புறம் என்ன.. Jiobook laptop பத்தி தெரிஞ்சுக்கோங்க..!

தற்போது வெளியாகியுள்ள தகவலின் அடிப்படையில்  NB1118QMW, NB1148QMW மற்றும் NB1112MM  என மூன்று விதங்களில் Jio Book Laptop அறிமுகமாகும் என தெரிகிறது

ஜியோ_புக்_லேப்டாப்

தொலைத்தொடர்பு நிறுவனங்களின் முன்னணி நிறுவனமாக அறியப்படும் ஜியோ நிறுவனம் தற்போது மொபைல் , லேப்டாப் போன்ற சாதனங்களை உற்பத்தி செய்யும் முயற்சியில் இறங்கியுள்ளது. சமீபத்தில் jio mobile next 4G என்னும் விலை மலிவான 4ஜி மொபைல் குறித்து அறிவித்திருந்தது. இந்நிலையில் விரைவில் தனது லேப்டாப்பையும் அறிமுகப்படுத்தும் என தெரிகிறது. Bureau of Indian Standards (BIS) என்னும் இந்திய தர சான்றிதழ் தளத்தில் ஜியோவின் லேப்டாப் மூன்று வகைகளில் பட்டியலிடப்பட்டிருப்பதாக செய்திகள் வெளியாகியுள்ளன.

இது குறித்த விவரங்களை முகுல் ஷர்மா என்பவர் தனது ட்விட்டர் பக்கத்தில் வெளியிட்டுள்ளார். ஜியோ லேப்டாப்பானது ஜியோ புக் என்ற பெயரில் வெளியாகும் என முன்னதாக வெளியான சில இணைய கசிவுகள் தெரிவித்தன. இந்நிலையில் அதனை உறுதிப்படுத்தும் விதமாக தர சான்றிதழுக்கு விண்ணப்பித்திருக்கும் தகவல் எதிர்பார்ப்பாளர்களை குஷிப்படுத்தியுள்ளது. jio book -இன் வசதிகள் குறித்து தற்போது பார்க்கலாம்.

3 variants of the upcoming Jio Notebook receive the Indian BIS certification.#Jio pic.twitter.com/BbkqQUT7OH

— Mukul Sharma (@stufflistings) September 13, 2021

எதிர்பார்க்கப்படும் JIO BOOK LAPTOP வசதிகள்:

jio laptop ஹை.டி  மற்றும் 1,366x768 பிக்சல்கள் வசதிகள் கொண்ட திரையுடன் உருவாக்கப்பட்டிருக்கலாம் என முன்னதாக வெளியான சில தகவல்கள் தெரிவிக்கின்றன. அதேபோல 4 ஜிபி ரேம் மற்றும் 64 ஜிபி இண்டர்னல் ஸ்டோரேஜ் வசதிகளுடன் உருவாக்கப்பட்டிருக்கலாம் என எதிர்பார்க்கப்படுகிறது.  மேலும்  Snapdragon X12 4G மோடம் உடன் இணைக்கப்பட்ட Snapdragon 665 SoC  வசதிகளை பெற்றிருக்கலாம் என கருதப்படுகிறது. இதுதவிர HDMI connector, டூயல் பேண்ட் வைஃபை (dual-band Wi-Fi) மற்றும் ப்ளூடூத் (Bluetooth) வசதி போன்றவையும் இடம்பெறும் என தெரிகிறது. அதே போல முன்னதாகவே இன்ஸ்டால் செய்யப்பட்ட ஜியோ அப்ளிகேஷன்ஸ் மற்றும் மைக்ரோசாஃப்ட் அப்ளிகேஷனும் லேப்டாப்பில் இடம்பெறும் என தெரிகிறது.

முகுல் ஷர்மா வெளியிட்டுள்ள தகவலின் அடிப்படையில்  NB1118QMW, NB1148QMW மற்றும் NB1112MM  என மூன்று விதங்களில் அறிமுகமாகும் என தெரிகிறது. இதன் வசதிகளை பொறுத்து விலை மற்றும் செயல்பாடுகளில் மாற்றம் இருக்கும் என்பதை அறிந்துகொள்ள முடிகிறது. ஆனால் மற்ற பிராண்ட் லேப்டாப்பை ஒப்பிடும்பொழுது ஜியோ  லேப்டாப் நிச்சயம் பட்ஜெட் ஃபிரண்ட்லியாகத்தான் இருக்கும் என்பதில் சந்தேகமே இல்லை.

 Jio mobile next 4G  ஆனது கடந்த விநாயகர் சதுர்த்தி பண்டிகை அன்று விற்பனைக்கு வரும் என ஜியோ நிறுவனம் அறிவித்திருந்தது. ஆனால் உற்பத்தி பொருள் பற்றாக்குறை காரணமாக அதன் வெளியீட்டு தேதியை ஒத்திவைத்தது ஜியோ. நிச்சயம்  தீபாவளி பண்டிகையை முன்னிட்டு   jio mobile next 4G  
அதிரடியாக களமிறங்கவுள்ளதாகவும் அந்நிறுவனம் தெரிவித்துள்ளது.   jio mobile next 4G ஆனது இந்தியாவின் மிக குறைந்த விலை கொண்ட 4ஜி மொபைல் ஆகும். அதன் விலை 3499 ரூபாயாக இருக்கும் என கூறப்படுகிறது.