Elon Musk vs Zuckerberg: புஸ்வானமான சண்டை... மார்க் ஜூக்கர்பெர்கை மீண்டும் சீண்டி பார்க்கும் எலான் மஸ்க்...!

பேஸ்புக் நிறுவனரான மார்க் ஜுக்கர்பெர்க்கை சிக்கன் எனக் கூறி வம்புக்கு இழுத்துள்ளார் எலான் மஸ்க்.

மார்க் - எலான் மஸ்க்

Elon Musk vs Zuckerberg: ஃபேஸ்புக்  நிறுவனரான மார்க் ஜுக்கர்பெர்க்கை சிக்கன் எனக் கூறி வம்புக்கு இழுத்துள்ளார் எலான் மஸ்க்.

அலற விடும் எலான் மஸ்க்:

உலகின் முன்னணி பணக்காரர்களில் ஒருவர் எலான் மஸ்க் கடந்தாண்டு அக்டோபர் மாதம் ட்விட்டர் நிறுவனத்தை கைப்பற்றினார். இதைத்தொடர்ந்து, பல அதிரடி நடவடிக்கைகளை எடுத்தார். ட்விட்டர் நிறுவனத்தின் நிர்வாகிகளை அடுத்தடுத்து பணியில் இருந்து நீக்கினார். 

பணம் கொடுத்து, ப்ளூ டிக் (verified) வாங்கும் வசதியை கொண்டு வந்தார். ட்விட்டரின் பெயரை x என மாற்றினார். இப்படி, இவர் செய்யும் ஒவ்வொரு செயல்களும் உலக அளவில் பேசுபொருளாக மாறுவது வழக்கமாகிவிட்டது. அதேபோல, பிரபலங்களை வம்புக்கு இழுப்பதை வழக்கமாக கொண்டுள்ள எலான் மஸ்க், அமெரிக்க அதிபர் ஜோ பைடன் குறித்து கடுமையான விமர்சனங்களை முன்வைத்தார். அதன் தொடர்ச்சியாக, மெட்டா நிறுவனத்தின் நிறுவனர்களில் ஒருவரான மார்க் ஜுக்கர்பெர்க்கை தொடர்ந்து வம்புக்கு இழுத்து வந்தார்.

கூண்டு சண்டை:

அரசியல் தொடங்கி செயற்கை நுண்ணறிவு வரை பல விவகாரங்களில் இருவரும் நேர் எதிர் கருத்துகளை கொண்டுள்ளனர். இருவருக்கும் இடையேயான மோதலின் உச்சக்கட்டமாக, ஜுக்கர்பெர்க்குடன் கூண்டில் சண்டையிட தயார் என ட்விட்டரில் குறிப்பிட்டார்.

இதற்கு இன்ஸ்டாகிராமில் பதிலடி தந்த ஜுக்கர்பெர்க், "இடத்தை தேர்வு செய்து அனுப்பு" என குறிப்பிட்டிருந்தார். எலான் மஸ்க், ஜுக்கர்பெர்க் ஆகியோருக்கு இடையேயான கூண்டு சண்டை தொடர்பான அறிவிப்பு வெளியானதில் இருந்து, சமூக வலைதளவாசிகள் உச்சக்கட்ட குஷியில் உள்ளனர். பெரும்பாலானா ட்விட்டர்வாசிகள், ஜுக்கர்பெர்கே வெற்றிபெறுவார் என கணித்து வருகின்றனர்.

புஸ்வானமான சண்டை:

இருவருக்கும் இடையேயான சண்டை மக்கள் மத்தியில் பெரும் எதிர்பார்ப்பை கிளப்பியுள்ள நிலையில், இது தொடர்பாக மார்க் ஜுக்கர்பெர்க் ஒரு ட்வீட் பதிவை போட்டுள்ளார். அதன்படி, ”எதையும் தீவிரமாக எடுத்துக் கொள்பவராக மஸ்க் இல்லை. அதனால் அதிலிருந்து நாள் வெளியேற வேண்டிய நேரம் இது. நான் அவருக்காக நேரம் ஒதுக்கினேன். ஆனால் எலான் மஸ்க் தேதியை உறுதி செய்யவில்லை. எலான் மஸ்க் சரியான தேதிப் பற்றி எப்போதாவது எலான் மஸ்க் தீவிரமாக எடுத்துக் கொண்டால், என்னை எப்படி தொடர்பு கொள்ள வேண்டும் என்பது அவருக்கு தெரியும். இல்லையெனில், கடந்து செல்ல வேண்டியது தான். அனைத்தையும் தீவிரமாக எடுத்துக் கொள்ளும் நபர்களுடன் போட்டியிடுவதில் கவனம் செலுத்த போகிறேன்” என்றார் மார்க்.

Zuck is a chicken

— Elon Musk (@elonmusk) August 13, 2023

இதற்கு பதிலளித்துள்ள எலான் மஸ்க் மார்க் ஒரு சிக்கன் என்று பதிலடி கொடுத்துள்ளார். இந்த ட்விட்டானது இணையத்தில் வைரலாகி வருகிறது.