Chess Olympiad 2022 :செஸ் ஒலிம்பியாட்: பதக்கம்வென்ற இரு அணிகளுக்கு தலா 1 கோடி! அதிரடியாக அறிவித்த தமிழ்நாடு அரசு
செஸ் ஒலிம்பியாட் தொடரில் வெண்கலம் வென்ற இரு அணிகளுக்கு தலா 1 கோடி வழங்கப்படும் என தமிழ்நாடு முதலமைச்சர் முக ஸ்டாலின் அறிவித்துள்ளார்.
செஸ் ஒலிம்பியாட் தொடரில் வெண்கலம் வென்ற இரு அணிகளுக்கு தலா 1 கோடி வழங்கப்படும் என தமிழ்நாடு முதலமைச்சர் முக ஸ்டாலின் அறிவித்துள்ளார். பொதுப்பிரிவில் வென்ற இந்திய பி அணி, மகளிர் பிரிவில் வென்ற இந்திய அணிக்கு அறிவிக்கப்பட்டுள்ளது.
44ஆவது செஸ் ஒலிம்பியாட் 2022 போட்டியில் பதக்கங்கள் வென்ற இரண்டு இந்திய அணிகளுக்கும் பரிசுத் தொகையாக தலா ரூ. 1 கோடி வழங்கி தமிழ்நாடு அரசு சிறப்பிக்கும் என மாண்புமிகு முதலமைச்சர் @mkstalin அவர்கள் அறிவித்துள்ளார். @chennaichess22
— CMOTamilNadu (@CMOTamilnadu) August 10, 2022
#ChessChennai2022 #ChessOlympiad pic.twitter.com/fGi8tHw0gs
வெண்கலம் வென்ற இந்திய அணிகளுக்கு ரூ.1 கோடி பரிசு - முதல்வர் ஸ்டாலின் அறிவிப்பு!https://t.co/wupaoCQKa2 | #ChessOlympiad #ChessOlympiad2022 #MKStalin #TeamIndia #TNGovt @mkstalin pic.twitter.com/33EE4DEXZm
— ABP Nadu (@abpnadu) August 10, 2022
இதுகுறித்து தமிழ்நாடு சார்பில் வெளியிட்ட அறிக்கையில், “44-வது சர்வதேச செஸ் ஒலிம்பியாட் விளையாட்டு போட்டிகளை உலகமே பாராட்டும் வகையில் வெற்றிகரமாக தமிழ்நாடு அரசு நடத்தி முடித்துள்ளது.
இந்தியாவில் அதிலும் அதிலும் குறிப்பாக தமிழ்நாட்டில் தமிழ்நாட்டில் நடைபெற்ற செஸ் ஒலிம்பியாடில் பொதுப் பிரிவில் 'இந்திய பி அணியும்' பெண்கள் பிரிவில் 'இந்திய ஏ அணியும்' என இரண்டு அணிகள் பதக்கம் வென்று செஸ் ஒலிம்பியாட் போட்டிக்கும் இந்தியாவிற்கும் பெருமை சேர்த்திருப்பது குறித்து மட்டற்ற மகிழ்ச்சி அடைகிறேன்.
44-வது பன்னாட்டு சதுரங்க விளையாட்டு போட்டிகளில் பொதுப் பிரிவில் வெண்கலப் பதக்கம் வென்ற 'இந்திய பி அணிக்கும்' பெண்கள் பிரிவில் வெண்கலப் பதக்கம் வென்ற 'இந்திய ஏ அணி (பெண்கள்)' ஆகிய இரண்டு அணிகளுக்கும் பரிசுத்தொகையாக தலா ஒரு கோடி ரூபாய் வழங்கி தமிழ்நாடு அரசு சிறப்பிக்கும்” என்று அந்த அறிக்கையில் தெரிவிக்கப்பட்டுள்ளது.
44ஆவது செஸ் ஒலிம்பியாட் போட்டிகள் சென்னையில் கடந்த 28ஆம் தேதி வண்ணமயமான தொடக்க விழாவுடன் தொடங்கின. இவ்விழாவில் பிரதமர் மோடி பங்கேற்று செஸ் ஒலிம்பியாட் போட்டிகளைத் தொடங்கி வைத்தார்.
தொடக்க விழாவில் பிரதமர் மோடி, தமிழ்நாடு முதலமைச்சர் ஸ்டாலின் ஆகியோர் கலந்து கொண்டனர். வெளிநாட்டவரையும் கவரும் வகையில் மிக பிரம்மாண்ட ஏற்பாடுகள் இவ்விழாவில் செய்யப்பட்டிருந்தன. தொடக்க விழாவில், மத்திய மாநில அமைச்சர்கள், எம்.எல்.ஏக்கள் உள்ளிட்டோருடன் இயக்குனர் விக்னேஷ் சிவன், ரஜினிகாந்த், ஐஸ்வர்யா ரஜினிகாந்த், வைரமுத்து, கார்த்தி, உள்ளிட்ட பல திரை நட்சத்திரங்களும் அரசியல் தலைவர்களும் கலந்து கொண்டனர். தொடர்ந்து 13 நாள்களாக செஸ் ஒலிம்பியாட் போட்டிகள் நடைபெற்ற நேற்றுடன் இவ்விழா நிறைவடைந்தது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
