ICC Ranking: ஐசிசி டெஸ்ட் தரவரிசை : டாப் 10 இடங்களை பிடித்த விராட், ரோஹித், பந்த்!

ஐசிசி டெஸ்ட் தரவரிசையில் பந்துவீச்சில் இந்திய அணி வீரர் ஒருவர் மட்டுமே டாப் 10-இல் உள்ளார்!

ஐசிசி டெஸ்ட் தரவரிசை

டெஸ்ட் போட்டிகளுக்கான தரவரிசை பட்டியலில் இந்திய கேப்டன் விராட் கோலி 5-வது இடத்திலும், ரோஹித் சர்மா & ரிஷப் பந்த் ஆகியோர் 6-வது இடத்தை பகிர்ந்து கொண்டுள்ளனர். டெஸ்ட் போட்டிகளில் வீரர்களுக்கான தரவரிசை பட்டியலை ஐசிசி வெளியிட்டுள்ளது இந்திய பேட்ஸ்மேன் மூவர் முதல் 10 இடத்தில் உள்ளனர். ஐசிசி டெஸ்ட் தரவரிசையில் நியூசிலாந்து அணி கேப்டன் கேன் வில்லியம்சன் 895 ரேட்டிங் புள்ளிகளுடன் முதல் இடத்தில் நீடிக்கிறார். அண்மையில் புதிதாக இங்கிலாந்து அணியுடனான போட்டியில் அறிமுக வீரராக களமிறங்கி இரட்டை சதம் விளாசிய நியூசிலாந்து வீரர் டேவோன் கான்வே 77-வது இடத்தில் தரவரிசை பட்டியலுக்குள் நுழைந்துள்ளார். 

மேலும் அறிய : மாஸ்க் அணிவது பழசு - வாயில் டேப் அணியும் பொல்லார்ட் ஸ்டைல் : ஐ.பி.எல் வேடிக்கைகள்!

ஆஸ்திரேலிய வீரர் ஸ்டீவன் ஸ்மித் 891 புள்ளிகளுடன் 2-வது இடத்திலும், மற்றொரு ஆஸ்திரேலிய வீரர் மார்னஸ் labuschagne 878 புள்ளிகளுடன் 3-வது இடத்திலும், இங்கிலாந்து அணியின் கேப்டன் ஜோ ரூட் 836 புள்ளிகளுடன் 4-வது இடத்திலும், இந்திய கேப்டன் விராட் கோஹ்லி 814 புள்ளிகளுடன் 5-வது இடத்திலும் உள்ளனர். 

இந்திய அணியின் தொடக்க ஆட்டக்காரர் ரோஹித் சர்மா & விக்கெட் கீப்பர் பேட்ஸ்மேன் ரிஷப் பந்த் ஆகிய இருவரும் 747 புள்ளிகளுடன் 6-வது இடத்தை பகிர்ந்துகொண்டுள்ளனர்.

Tim Southee’s seven wickets in the first Test against England has pushed him to No.3 in the @MRFWorldwide ICC Test Rankings for bowling 📈 pic.twitter.com/9nd2ekGiPS

— ICC (@ICC) June 9, 2021

பேட்டிங்கில் இப்படி இந்திய வீரர்கள் மூவர் டாப் 10-இல் உள்ள நிலையில் பந்துவீச்சில் இந்திய அணி வீரர் ஒருவர் மட்டுமே டாப் 10 தரவரிசையில் உள்ளார். தமிழகத்தை சேர்ந்த இந்திய வீரர் ரவிச்சந்திரன் அஸ்வின் 850 ரேட்டிங் புள்ளிகளுடன் 2-வது இடத்தில் உள்ளார். அதேநேரம் ஆஸ்திரேலிய பந்துவீச்சாளர் பேட் கம்மின்ஸ் 908 புள்ளிகளுடன் தொடர்ந்து முதல் இடத்தில் நீடித்துவருகிறார்.

அண்மையில் இங்கிலாந்து அணியுடன் நடந்த டெஸ்ட் போட்டியில் சிறப்பாக பந்துவீசி 7 விக்கெட்கள் கைப்பற்றிய நியூசிலாந்து அணியின் பந்துவீச்சாளர் டிம் சவூதி 3-வது இடத்திற்கு  838 புள்ளிகளுடன் முன்னேறியுள்ளார். ஆஸ்திரேலிய வீரர் ஜோஷ் ஹாஸல்வூட் 816 புள்ளிகள், நியூசிலாந்து வீரர் நீல் வாக்னர் 816 புள்ளிகளுடன் 4-வது மற்றும் 5-வது இடத்தில் நீடிக்கின்றனர். ஆல் ரவுண்டர் தரவரிசையில் மேற்கிந்திய தீவுகள் அணி வீரர் ஜேசன் ஹோல்டர் 423 புள்ளிகளுடன் முதல் இடத்திலும், இந்திய வீரர் ரவீந்திர ஜடேஜா 386 புள்ளிகளுடன் 2-வது இடத்திலும், ரவிச்சந்திரன் அஸ்வின் 353 புள்ளிகளுடன் 4-வது இடத்திலும் உள்ளனர்.