பீச் வாலி பால்... பிரியாணி சேலஞ்ச்....துபாயில் தோனி படை ‛எஞ்சாய் எஞ்சாமி’
தோனி, ருதுராஜ் கெய்க்வாட் உள்ளிட்ட வீரர்கள் ஸ்டைலாக அந்த விளையாட்டை விளையாடுவது புகைப்படத்தில் இடம்பெற்றுள்ளது.
ஐபிஎல் தொடருக்காக துபாயில் இருக்கும் சென்னை சூப்பர் கிங்ஸ் அணியினரின் பிரியாணி சேலஞ்ச், பீச் வாலிபால் விளையாடும் தோனி உள்ளிட்ட வீரர்கள் போன்றவை ரசிகர்களாக வெகுவாக கவர்ந்துள்ளது.
2021ஆம் ஆண்டிற்கான ஐபிஎல் தொடர் கொரோனா பரவல் காரணமாக பாதியில் நிறுத்தி வைக்கப்பட்டது. இந்தச் சூழலில் பாதியில் நிறுத்தப்பட்ட ஐபிஎல் தொடர் வரும் செப்டம்பர் மாதம் முதல் தொடங்க உள்ளது. இதில் பங்கேற்பதற்காக சென்னை சூப்பர் கிங்ஸ் அணி கடந்த 14ஆம் தேதி மீண்டும் யுஏஇ சென்றது. சென்னையில் இருந்து விமானம் மூலம் யுஏஇ சென்றனர். அதில் தோனி,ரெய்னா உள்ளிட்ட முன்னணி வீரர்களும் அணியுடன் சென்றனர்.
இந்த நிலையில், துபாய் கடற்கரையோரத்தில் தோனி உள்ளிட்ட சில வீரர்கள் பீச் வாலிபால் விளையாடும் புகைப்படங்களை சிஎஸ்கே அணியில் டுவிட்டர் பக்கத்தில் வெளியாகியுள்ளது. தோனி, ருதுராஜ் கெய்க்வாட் உள்ளிட்ட வீரர்கள் ஸ்டைலாக அந்த விளையாட்டை விளையாடுவது புகைப்படத்தில் இடம்பெற்றுள்ளது. இதில், தோனியின் புகைப்படங்களை ரசிகர்கள் சமூக வலைதளங்களில் ஷேர் செய்தும், ஸ்டேடஸ் ஆகவும் வைத்துள்ளனர்.
Also Read: தங்கத்திலும் சேமிக்கலாம்.. லலிதா ஜூவல்லரியின் நகை முன்பதிவுத் திட்டம்!
Holiday ❌
— Chennai Super Kings - Mask P😷du Whistle P🥳du! (@ChennaiIPL) August 25, 2021
Volleyday ✅#WhistlePodu #Yellove 🦁💛 pic.twitter.com/BfNqqNU8Dx
சிஎஸ்கே அணியின் டுவிட்டர் பக்கத்தில் மேலும் ஒரு சுவாரஸ்யமான வீடியோவும் வெளியிடப்பட்டுள்ளது. அந்த வீடியோவில், சிஎஸ்கே அணியின் பந்துவீச்சாளர் ஹரிசங்கர் ரெட்டியிடம், அணியின் பிசியோதெரபி டாமி சிம்செக், “நான் வீசும் ஒரேபந்தில் நீ சிக்ஸ் அடிக்க வேண்டும். இல்லையென்றால் எனக்கு பிரியாணி வாங்கிக் கொடுக்க வேண்டும்” என்று பந்தயம் கட்டுவார். இந்தப் பந்தயத்தில் யார் தோற்றாலும், ஜெயித்தவருக்கு பிரியாணி வாங்கிக்கொடுக்க வேண்டும். டாமின் முதல் பந்திலேயே ஹரிசங்கர் பந்தை சிக்சருக்கு பறக்கவிட, அருகில் இருந்த வீரர்கள் கொண்டாடுவது போல வீடியோ முடிகிறது.
Hari & Tommy face off for a bowl out!
— Chennai Super Kings - Mask P😷du Whistle P🥳du! (@ChennaiIPL) August 25, 2021
Six off one 🎯
Biryani for the win 😍#WhistlePodu #Yellove 🦁💛 pic.twitter.com/o91rVdmLBq
முன்னதாக, சென்னை சூப்பர் கிங்ஸ் ட்விட்டர் பக்கம் சென்னை அணி யுஏஇ சென்றுள்ளது தொடர்பாக வீடியோ பதிவு ஒன்றை வெளியிட்டது. அதில் சென்னை அணி சென்னையில் இருந்து கிளம்பியது முதல் யுஏஇ சென்று ஹோட்டலில் தனிமைப்படுத்தப்பட்டது வரை சில காட்சிகள் இடம்பெற்றுள்ளன. அத்துடன் இந்த காட்சிகளுக்கு பின்னால் சென்னை சூப்பர் கிங்ஸூக்கு பெரிய விசில் அடிங்க பாடலும் வருகிறது. இந்த வீடியோவை தற்போது வரை பலரும் பார்த்து ரசித்து வருகின்றனர்.
ஐபிஎல் தொடரின் இரண்டாவது பாதியில் சென்னை அணி தன்னுடைய முதல் போட்டியில் செப்டம்பர் 19ஆம் தேதி மும்பை இந்தியன்ஸ் அணியை எதிர்கொள்கிறது. அதன்பின்னர் பெங்களூரு(செப்டம்பர் 24), கொல்கத்தா நைட் ரைடர்ஸ்(செப்டம்பர் 26), சன்ரைசர்ஸ்(செப்டம்பர் 30), ராஜஸ்தான்(அக்டோபர் 2), டெல்லி(அக்டோபர் 4), பஞ்சாப் கிங்ஸ் (அக்டோபர் 7) ஆகிய போட்டிகளில் பங்கேற்க உள்ளது.
Ind vs Eng, 2021: ரன் மெஷின் ரிப்பேரா...? சதம் அடிச்சு 2 வருஷமாச்சு! காலியானதா கோலி சரக்கு!
தலைப்பு செய்திகள்
ட்ரெண்டிங் செய்திகள்
