SA vs AUS Innings Highlights: டி காக் அசத்தல் சதம்.. ஆஸ்திரேலியா வெற்றி பெற 312 ரன்கள் இலக்கு!

உலகக் கோப்பை 2023 கிரிக்கெட் தொடரில் ஆஸ்திரேலிய அணிக்கு தென்னாப்பிரிக்க அணி 312 ரன்களை இலக்காக நிர்ணயித்துள்ளது.

டி காக்

உலகக்கோப்பைத் தொடரில் லக்னோவில் உள்ள அடல் பிகாரி வாஜ்பாய் மைதானத்தில் முன்னாள் சாம்பியன் ஆஸ்திரேலிய அணியும், தென்னாப்பிரிக்கா அணியும் மோதி வருகின்றன. இதில், டாஸ் வென்ற ஆஸ்திரேலிய அணி முதலில் பந்துவீசுவதாக அறிவித்தது.

தெ.ஆ - ஆஸ்திரேலியா:

இதையடுத்து, ஆட்டத்தைதொடங்கிய தென்னாப்பிரிக்க அணிக்கு கேப்டன் பவுமா – குயின்டின் டி காக் நிதானமான தொடக்கத்தை அளித்தனர். பவுமா நிதானமாக ஆட டி காக் அதிரடியாக ஆடினார். அணியின் ஸ்கோர் 108 ரன்களை எட்டியபோது நிதானமாக ஆடிக் கொண்டிருந்த பவுமா ஆட்டமிழந்தார். அவர் மேக்ஸ்வெல் பந்தில் 55 பந்துகளில் 2 பவுண்டரியுடன் 35 ரன்கள் எடுத்திருந்த நிலையில் அவுட்டானார்.

அடுத்து வந்த டு சென் நிதானமான ஆட்டத்தை வெளிப்படுத்தினர். நிதானமான ஆட்டத்தை வெளிப்படுத்திய டு சென் சுழற்பந்துவீச்சாளர் ஜம்பா பந்துவீச்சில் ஆட்டமிழந்தார். அவர் 30 பந்துகளில் 2 பவுண்டரியுடன் 26 ரன்களுக்கு அவுட்டானார். ஒரு முனையில் விக்கெட்டுகள் அடுத்தடுத்து விழுந்தாலும் மறுமுனையில் நிலைத்து நின்று ஆடிய விக்கெட் கீப்பர் குயின்டின் டி காக் சதம் அடித்தார்.

டி காக் சதம்:

சதம் அடித்த சிறிது நேரத்திலே அவர் மேக்ஸ்வெல் பந்தில் போல்டானார். மேக்ஸ்வெல் 106 பந்துகளில் 8 பவுண்டரி 5 சிக்ஸருடன் 109 ரன்களுக்கு ஆட்டமிழந்தார். அடுத்து அதிரடி வீரர்கள் மார்க்ரம் – கிளாசென் இருவரும் ஜோடி சேர்ந்தனர்.

மார்க்ரம் பவுண்டரிகளை விளாசினார். கிளாசென் நிதானமாக ஆடினார். சிறப்பாக ஆடிய மார்க்ரம் அரைசதம் கடந்தார். அரைசதம் கடந்த நிலையில் அவர் மேலும் அதிரடி காட்ட முயற்சித்தபோது ஆட்டமிழந்தார். அவர் 44 பந்துகளில் 7 பவுண்டரி 1 சிக்ஸருடன் 56 ரன்களுக்கு ஆட்டமிழந்தார். கிளாசென் 27 ரன்களுக்கு 3 பவுண்டரிகளுடன் 29 ரன்களை விளாசினார்.

கடைசியில் டேவிட் மில்லர் – மார்கோ ஜான்சென் இருவரும் ஜோடி சேர்ந்தனர். இருவரும் இணைந்து அதிரடியாக ஆடி ரன்களை சேர்க்க முயற்சித்தனர். குறிப்பாக ஜான்சென் அதிரடியாக ஆடினார். இதனால், தென்னாப்பிரிக்க அணி 300 ரன்களை கடந்தது.

312 ரன்கள் இலக்கு:

டேவிட் மில்லர் 13 பந்துகளில் 1 பவுண்டரி, 1 சிக்ஸருடன் 17 ரன்கள் எடுத்தபோதும், ஜான்சென் 22 பந்துகளில் 3 பவுண்டரி 1 சிக்ஸருடன் 26 ரன்கள் எடுத்த நிலையில் அவுட்டானார். இறுதியில் தென்னாப்பிரிக்க அணி 50 ஓவர்களில் 7 விக்கெட் இழப்பிற்கு 311 ரன்கள் எடுத்தனர்.

ஆஸ்திரேலிய அணியில் மிட்செல் ஸ்டார்க், மேக்ஸ்வெல் தலா இரண்டு விக்கெட்டுகள் வீழ்த்தினர். மேக்ஸ்வெல் மட்டுமே 10 ஓவர்கள் வீசி 34 ரன்களை விட்டுக்கொடுத்து கட்டுக்கோப்பாக வீசினார். ஹேசல்வுட், கேப்டன் கம்மின்ஸ், ஜம்பா தலா 1 விக்கெட் வீழ்த்தினர்.

கடந்த போட்டியில் இந்திய அணியுடன் தோல்வியை தழுவிய ஆஸ்திரேலிய அணி கண்டிப்பாக வெற்றி பெற வேண்டிய கட்டாயத்தில் உள்ளது. இல்லாவிட்டால் புள்ளிப்பட்டியலில் பின்னோக்கி செல்ல வேண்டிய சூழலில் உள்ளது.

மேலும் படிக்க: ABP Southern Rising Summit 2023 LIVE: ”தற்போது உள்ள சினிமாவில் சாதி ஒடுக்குமுறை இல்லை" - நடிகை சுஹாசினி

மேலும் படிக்க: இந்தியாவையே திரும்பி பார்க்க வைத்த ABP Southern Rising Summit 2023 - சமூக வலைதளங்களில் ட்ரெண்டிங்கில் நம்பர் 1