NRK Vs ITT: நெல்லை அணியை சொற்ப ரன்களில் சுருட்டி முதல் வெற்றியை பதிவு செய்த திருப்பூர் தமிழன்ஸ்!

டி.என்.பி.எல் தொடரின் 10வது லீக் போட்டி திருப்பூர் அணிக்கும் நெல்லை அணிக்கும் இடையே நடந்தது.

திருப்பூர் தமிழன்ஸ் அணி

10 வது லீக் போட்டி திருப்பூர் அணிக்கும் நெல்லை அணிக்கும் இடையே நடந்தது. சாய் கிஷோருக்கு பதிலாக திருப்பூர் அணியின் கேப்டன் பதவியை ஏற்றார் சதுர் வேத்.

டாஸ் வென்ற திருப்பூர் அணி முதலில் பந்துவீச்சை தேர்வு செய்தது. முதல் இன்னிங்சை தொடங்கிய நெல்லை ஆரம்பம் முதலே தடுமாறியது.

18.2 ஓவரில்124 ரன்கள் மட்டுமே எடுத்து ஆல் அவுட் ஆனது நெல்லை அணி. அதிகபட்சமாக சோனோ யாதவ் 35 ரன்கள் எடுத்தார். திருப்பூர் அணியின் பந்துவீச்சாளர் புவனேஸ்வர் 3.2 ஓவரில் 17 ரன்களை மட்டுமே விட்டுகொடுத்து 5 விக்கெட்டுகளை எடுத்தார்.

பின்னர் களமிறங்கிய திருப்பூர் அணியின் தொடக்க ஆட்டக்காரர் ராதாகிருஷ்ணன், துஷார் ரஹேஜா ஆகியோர் அதிரடியாக ஆடினர்.

இவர்களின் ஆட்டத்தை பார்த்து நெல்லை அணியின் பந்துவீச்சாளர்கள் என்ன செய்வதென்று தெரியாமல் தவித்தனர். பின்னர் இருவரின் ஆட்டம் ஒரு முடிவுக்கு வந்தது.

18.2 ஓவரில் திருப்பூர் அணி 3 விக்கெட் இழப்பிற்கு 128 ரன்கள் எடுத்து வெற்றி பெற்றது.