Suriya : ‘அன்புச்செல்வன் ஐபிஎஸ்-ஐ மறக்க மாட்டேன்...’ வைரலாகும் சூர்யாவின் நெகிழ்வான பதிவு!

Suriya: 20 ஆண்டுகளை கடந்த காக்க காக்க படத்தை நினைவு கூர்ந்து நடிகர் சூர்யா தனது ட்விட்டர் பக்கதில் பதிவு ஒன்றை பதிவிட்டார்.

காக்க காக்க சூர்யா

தமிழ் திரையுலகில் முன்னணி நடிகர்களுள் ஒருவர் சூரியா. இவருக்கு தமிழ்நாட்டில் மிகப்பெரிய ரசிகர் பட்டாளமே உள்ளது.

இவர் தற்போது கங்குவா படத்தில் பிசியாக உள்ளார்.

சூர்யா நடிப்பில் 2003 ஆம் ஆண்டு வெளியான காக்க காக்க படம் நேற்றுடன் 20 ஆண்டுகளை நிறைவு செய்தது.

இந்த படம் சூர்யா வாழ்க்கையில் முக்கியமான படமாகும். காக்க காக்க வெளியாகி வசூல் ரீதியாகவும், விமர்சன ரீதியாகவும் நல்ல வரவேற்பை பெற்றது.

நேற்றுடன் 20 ஆண்டுகளை கடந்த காக்க காக்க படத்தை நினைவு கூர்ந்து நடிகர் சூர்யா தனது ட்விட்டர் பக்கத்தில் ஸ்பெஷல் போஸ்ட் ஒன்றை பதிவிட்டுள்ளார்.

அந்த பதிவில் “இந்த படம் எனக்கு எல்லாவற்றையும் கொடுத்தது. அன்புச்செல்வன் கதாபாத்திரம் என் மனதிற்கு நெருங்கியது. காக்க காக்க படத்தில் பணியாற்றிய இளம் கன்றுகளுக்கு என் வாழ்த்துகள். தொழில்நுட்ப கலைஞர்கள், இப்படத்தை பற்றி பேசிய ஜோதிகா, எனது சக நடிகர்களுக்கு எனது நன்றியை தெரிவித்து கொள்கிறேன். பல நல்ல நினைவுகள் கிடைத்தது.” என்று குறிப்பிடப்பட்டது.