SL Vs IRE: அயர்லாந்து அணியை துவம்சம் செய்து சூப்பர் சிக்ஸ் சுற்றுக்குள் நுழைந்த இலங்கை அணி!

ஆரம்பம் முதலே அயர்லாந்து அணி இலங்கை பந்துவீச்சை எதிர்கொள்ள முடியாமல் தவித்தது. அனைத்து வீரர்களும் வந்த வேகத்தில் பெவிலியன் திரும்பியதால் அணியின் ரன்னும் அரவே ஏறவில்லை.

வெற்றி பெற்ற இலங்கை அணி

உலக கோப்பை போட்டிக்கான தகுதி சுற்று ஆட்டம் ஜிம்பாப்வேயில் நடந்து வருகிறது. நேற்று அயர்லாந்து அணி இலங்கை அணியுடன் மோதியது. டாஸ் வென்ற அயர்லாந்து அணி முதலில் இலங்கையை பேட்டிங் செய்ய அழைத்தது.

முதலில் களம் இறங்கிய பதும் நிசங்க 20 ரன்கள் மட்டுமே எடுத்து ஆட்டமிழந்தார். மற்றொரு தொடக்க வீரரான திமுத் கருணாரத்னே சிறப்பாக ஆடினார். அவருடன் கைகோர்த்த சதீரா சமரவிக்ரமாவும் அதிரடியாக ஆடினார். இவர்களின் ஆட்டத்தால் ரன் குவிய தொடங்கின. திமுத் கருணாரத்னே சதம் அடித்து அவுட் ஆனார். சதீரா சமரவிக்ரமாவும் 83 ரன்கள் எடுத்து ஆட்டமிழந்தார்.