Butter Bun recipe : பட்டர் பன் சாப்பிட மதுரைக்கு போக வேண்டாம்..இனி இதை வீட்டிலேயே செய்யலாம்!

மாலை வேளையில் குழந்தைகள் விரும்பி சாப்பிடும் ஸ்நாக்ஸ் செய்து கொடுக்க வேண்டுமா? சுவையான மற்றும் சிம்பிலான பட்டர் பன் செய்ய இதை பாருங்க

பட்டர் பன்

மாலை வேளையில் குழந்தைகள் விரும்பி சாப்பிடும் ஸ்நாக்ஸ் செய்து கொடுக்க வேண்டுமா? சுவையான மற்றும் சிம்பிலான பட்டர் பன் செய்து அசத்திவிடுங்கள்.

தேவையான பொருட்கள் : ஸ்வீட் பன் - 4, வெண்ணெய், சர்க்கரை, பால்.

செய்முறை : முதலில் ஒரு ஸ்வீட் பன்னை எடுத்து குறுக்கே வெட்டிக் கொள்ள வேண்டும் ஆனால், முழுவதுமாக வெட்டி விட கூடாது. மிதமிருக்கும் பன்களையும் அவ்வாறே வெட்டிக் கொள்ள வேண்டும்.

அதன் பின் பன்னின் இரண்டு துண்டுகளுக்கும் இடையில் வெண்ணையை வைத்து தடவி அதன் மேல் சர்க்கரை தூவி விட வேண்டும்.

பிறகு அதன் மேல் பாலை ஊற்றி மூடி வைத்து விட வேண்டும்.

பின் ஒரு தோசைக் கல்லை அடுப்பில் வைத்து, கல் சூடானதும் அதன் மேல் வெண்ணையைப் போட்டு உருகியதும் ஊற வைத்த பன்னை முன்னும் பின்னும் ரோஸ்ட் செய்து எடுத்தால், அனைவரும் விரும்பும் பட்டர் பன் ரெடி!