Mango Pudding : சுவையான மாம்பழ புட்டிங் செய்வது எப்படி ?

Mango Pudding Recipe : மாம்பழ சீசன் முடிவதற்குள், இந்த சூப்பரான இனிப்பு வகை ரெசிபியை ட்ரை செய்யுங்கள்.

மாம்பழ புட்டிங்

தேவையான பொருட்கள்: மாம்பழம் - 4, சர்க்கரை - 1/4 கப், தண்ணீர் - 1/2 கப், சைனா கிராஸ் - 5 கிராம், ப்ரெஷ் கிரீம் - 1/2 கப், பால் - 1/4 கப்

செய்முறை: மாம்பழத்தை நன்கு கழுவி தோலை சீவி கொள்ளவும். அதன் பின்பு மாம்பழங்களை சிறிய துண்டுகளாக வெட்டி மிக்ஸியில் போட்டு சர்க்கரையை சேர்த்து அரைத்து கொள்ளவும்.

அரைத்த மாம்பழங்களை வடிகட்டி ஒரு கடாயில் ஊற்றி சிறிது நேரம் வேகவைக்கவும். பின்பு மற்றோரு பாத்திரத்தில் சைனா கிராஸ் மற்றும் தண்ணீர் சேர்த்து கரைத்து வைத்துக்கொள்ளவும்.

அந்த சைனா கிராஸை வேகவைத்த மாம்பழ கலவையில் சேர்த்து நன்கு கலக்கவும். அடுத்து மாம்பழ கலவையில் ப்ரெஷ் கிரீம் மற்றும் பால் சேர்த்து நன்கு கலக்கவும்.

ஒரு பாத்திரத்தில் மாம்பழ கலவையை ஊற்றி காற்று புகாதவாறு பிரிட்ஜில் வைத்து எட்டு மணி நேரம் குளிரூட்டவும்.

எட்டுமணி நேரம் கழித்து மாம்பழ கலவையை சின்ன துண்டுகளாக வெட்டி, உங்களுக்கு பிடித்த டாப்பிங்ஸை வைத்தால் மாம்பழ புட்டிங் ரெடியாகிவிடும்.