Prakash Raj : சர்ச்சையை கிளப்பும் பிரகாஷ் ராஜின் ட்விட்டர் பதிவு!

Prakash Raj : சந்திராயன் 3 விண்கலம் பற்றி அவர் வெளியிட்டுள்ள புகைப்படம் சர்ச்சையை ஏற்படுத்தியுள்ளது.

பிரகாஷ் ராஜின் ட்விட்டர் பதிவு

தமிழ், தெலுங்கு, கன்னடம் போன்ற மொழிகளில் குணச்சித்திர நடிகராகவும், நகைச்சுவை நடிகராகவும் நடித்து வருபவர் பிரகாஷ் ராஜ்.

இவர் சமூக வலைதளங்களில் சர்ச்சையான கருத்துக்களை பதிவிட்டு வருகிறார். குறிப்பாக பா.ஜ.க அரசின் கொள்கைகளை கடுமையாக சாடி வருகிறார்.

சந்திரயான் 3 விண்கலம் வெற்றிகரமாக விண்ணில் செலுத்தப்பட்டு நிலவை நெருங்கி உள்ளது.நாளை 23 ஆம் தேதி நிலவில் தரை இறங்கும் என்று அறிவிக்கப்பட்டு உள்ளது.

தற்போது சந்திராயன் 3 விண்கலம் பற்றி அவர் வெளியிட்டுள்ள புகைப்படம் சர்ச்சையை ஏற்படுத்தியுள்ளது.

இந்த நிலையில் பிரகாஷ் ராஜ் தனது ட்விட்டர் பக்கத்தில், டீ ஆற்றும் கார்ட்டூன் புகைப்படத்தை பதிவிட்டு, “வாவ்... விக்ரம் லேண்டர் நிலவில் இருந்து அணுப்பிய முதல் புகைப்படம் இது” என்று குறிப்பிட்டுள்ளார்.

இந்த பதிவு தற்போது சமூக வலைதளங்களில் பலரது விமர்சனங்களுக்கு உள்ளாகி வருகிறது.