Ilayaraja & DSP : ஸ்டூடியோவிற்கு சென்று வாழ்த்திய இளையராஜா..கனவு நினைவானதென தேவிஸ்ரீபிரசாத் உருக்கம்!

Ilayaraja & DSP : இசையமைப்பாளர் தேவி ஸ்ரீ பிரசாத்தின் ஸ்டூடியோவிற்கு நேரில் சென்றுள்ளார் இளையராஜா.

இளையராஜா, தேவிஸ்ரீபிரசாத்

இசையமைப்பாளர் தேவி ஸ்ரீ பிரசாத் தமிழ் மற்றும் தெலுங்கு மொழி படங்களுக்கு இசையமைக்கும் பிரபல இசையமைப்பாளர்களுள் ஒருவர்.

தமிழ், தெலுங்கு மொழிகளில் பல முன்னணி நடிகர்களின் படங்களுக்கு இவர் இசையமைத்துள்ளார்.

தேவி ஸ்ரீ பிரசாத் பழம்பெரும் இசையமைப்பாளர் இளையாராஜாவின் தீவிர ரசிகர் ஆவார். இதனை அவர் பல மேடைகளில் கூறியதுண்டு.

தற்போது இளையராஜா, தேவி ஸ்ரீ பிரசாத்தின் ஸ்டூடியோவிற்கு நேரில் சென்று வாழ்த்துகளை தெரிவித்துள்ளார்.

தற்போது இந்த புகைப்படங்களை தேவி ஸ்ரீ பிரசாத், தனது இன்ஸ்டா பக்கத்தில் உருக்கமாக பதிவிட்டுள்ளார்.

இசையின் என் அன்பான கடவுளுக்கு நன்றி, இசைஞானி இளையராஜா சார், எனது ஸ்டுடியோவிற்குள் வந்து என்னையும் எனது குழுவையும் ஆசீர்வதித்ததற்காக நன்றி என பதிவிட்டுள்ளார்.

இவரது இன்ஸ்டாகிராம் பதிவு இணையத்தில் வைரலாகி வருகிறது.