JR 33 : இதுவரை இணையாத காம்போ..கிருத்திகா உதயநிதியுடன் கைக்கோர்க்கும் ஜெயம் ரவி!

நடிகர் மற்றும் அமைச்சர் உதயநிதி ஸ்டாலினின் மனைவி கிருத்திகா உதயநிதி இயக்க உள்ளதாக தகவல் வெளியாகியுள்ளது.

ஜெயம் ரவி, கிருத்திகா உதயநிதி, நித்யா மேனன்

பொன்னியின் செல்வன் படத்தில் அருண்மொழிவர்மனாக அசத்திய ஜெயம் ரவியின் அடுத்த படம் குறித்த தகவல் வந்துள்ளது.

நடிகர் மற்றும் அமைச்சர் உதயநிதி ஸ்டாலினின் மனைவி கிருத்திகா உதயநிதி இயக்கவிருக்கும், ஜெயம் ரவியின் 33-வது படத்தை ரெட் ஜெயண்ட் மூவிஸ் நிறுவனம் தயாரிக்கவுள்ளதாக தகவல் வெளியாகியுள்ளது.

இந்த திரைப்படத்தில் ஜெயம் ரவிக்கு ஜோடியாக நித்யா மேனன் நடிக்கவுள்ளதாகவும் தகவல்கள் பரவி வருகிறது.

மேலும், இந்த படத்திற்கு இசையமைப்பாளர் அனிருத் அல்லது எ.ஆர்.ரஹ்மான் இசையமைக்க அதிக வாய்ப்புகள் உள்ளதாக கூறப்படுகிறது.

இந்த கூட்டணி இணைவது உறுதியானால் விரைவில் இந்த படம் குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.

கிருத்திகா உதயநிதி இயக்கிய காளி படம் வெளியாகி நான்கு ஆண்டுகள் நிறைவாகியுள்ளது என்பது குறிப்பிடதக்கது