HBD Katrina Kaif : பாலிவுட்டின் நடன ராணி கத்ரீனாவிற்கு இன்று பிறந்தநாள்!

HBD Katrina Kaif : இன்று பிறந்தநாள் காணும் கத்ரீனா கைஃப்பிற்கு பலரும் வாழ்த்துகளை தெரிவித்து வருகின்றனர்.

கத்ரீனா கைஃப்

2003 ஆம் ஆண்டில் பூம் எனும் பாலிவுட் படத்தில் அறிமுகமான கத்ரீனா அடுத்து, மல்லீஸ்வரி என்ற தெலுங்கு படத்தில் நடித்து டோலிவுட்டில் அறிமுகமானார்.

அதன் பிறகு ஹிந்தி படங்களிலே சின்ன சின்ன ரோல்களில் நடிக்க ஆரம்பித்தார். ஜிந்தகி நா மிலேகி டோபரா, நமஸ்தே லண்டன், ஜப் தக் ஹை ஜான், ஏக் தா டைகர், ஜீரோ உள்ளிட்ட படங்களில் முக்கிய கதாபாத்திரத்தில் நடித்தார்.

தூம் 3 படத்தில் கம்லி , பார் பார் தேகோ படத்தில் கலா சாஷ்மா, டீஸ் மார் கான் படத்தில் ஷீலா கி ஜவானி, அக்னிபத் படத்தில் சிக்னி சமேலி உள்ளிட்ட இவர் நடனமாடிய பாடல்கள் செம ஹிட்டாகியது.

2021 ஆம் ஆண்டில் பாலிவுட்டின் சாக்லேட் பாயான விக்கி கெளஷலை காதலித்து திருமணம் செய்து கொண்டார்.

விஜய் சேதுபதியுடன் இணைந்து மெர்ரி கிறிஸ்துமஸ் என்ற படத்தில் நடித்தார். இந்த படம் தமிழிலும் வெளியாகி இருந்தது.