Thalaivar 170 Pooja : தொகுப்பாளர் ரக்‌ஷனுக்கு கிடைத்த வெயிட்டான வாய்ப்பு..பூஜையுடன் தொடங்கிய தலைவர் 170 ஷூட்!

Thalaivar 170 Pooja : இது குறித்து பதிவிட்ட தொகுப்பாளர் ரக்‌ஷன், தானும் தலைவர் 170 படத்தில் நடிக்கவுள்ளதாக தெரிவித்தார்.

தலைவர் 170 படத்தின் பூஜை

ரஜினியின் அடுத்த படமான தலைவர் 170ஐ லைகா நிறுவனம் தயாரிக்கவுள்ளதாக முன்னர் அறிவிப்பு வந்தது. கடந்த சில நாட்களாக அப்படத்தில் நடிக்கும் கலைஞர்களின் புகைப்படங்கள் ஒன்றின் பின் ஒன்றாக இணையத்தில் வெளியானது.

ரஜினியுடன் அமிதாப் பச்சன், துஷாரா விஜயன், மஞ்சு வாரியர், ரித்திகா சிங், ராணா, ஃபஹத் ஃபாசில் ஆகியோர் நடிக்கின்றனர். இப்படத்தை டி.ஜே ஞானவேல் இயக்க, அனிருத் இசையமைக்கவுள்ளார்.

நேற்று நடைப்பெற்ற பூஜையில், ரஜினி, மஞ்சு வாரியர் மற்றும் படக்குழுவில் சிலர் பங்குபெற்றனர். இவர்களுடன் தொகுப்பாளர் ரக்‌ஷனும் இருந்தார்.

இது குறித்து பதிவிட்ட ரக்‌ஷன், தானும் தலைவர் 170 படத்தில் நடிக்கவுள்ளதாக தெரிவித்தார். கண்ணும் கண்ணும் கொள்ளையடித்தால் படத்திற்கு பின், பெரும் வாய்பை பெற்றுள்ளார் ரக்‌ஷன். சிறு கதாபாத்திரம் கொடுக்கப்பட்டாலும், அதை அவர் எப்படிபயன்படுத்தி கொள்கிறார் என்பதை பொறுத்தே அனைத்தும் உள்ளது.

பூஜை முடிந்த பின், படத்தின் ஷூட்டும் நேற்றே தொடங்கிவிட்டது.

சிறப்பு கதாபாத்திரத்தில் ரஜினி நடித்துள்ள லால் சலாம் படத்தையும் லைகா நிறுவனம் தயாரித்து வருகிறது. இப்படம் வருகிற 2024 ஆம் ஆண்டின் பொங்கலுக்கு ரிலீஸ் ஆகிறது என்பது குறிப்பிடத்தக்கது.