Dhanush 51 : தனுஷூடன் கைகோர்க்கும் நாகார்ஜுனா.. பிறந்தநாள் ஸ்பெஷலாக வந்த புது அப்டேட்!

தனுஷின் டி51 படத்தில் பிரபல நடிகர் நாகார்ஜுனா நடிக்கவுள்ளார் என்ற அறிவிப்பை வெளியிட்டுள்ளது தயரிப்பு நிறுவனம்.

தனுஷ் - நாகார்ஜுனா

நடிகர் தனுஷ் தற்போது அருண் மாதேஸ்வரன் இயக்கியுள்ள கேப்டன் மில்லர் படத்தில் நடித்துள்ளார்.

இதன் டீசர் கடந்த மாதம் வெளியான நிலையில், இப்படத்தின் ரிலீஸிற்காக தனுஷ் ரசிகர்கள் வெயிட்டிங்கில் உள்ளனர்.

கேப்டன் மில்லரை தொடர்ந்து டி50 படத்தில் தனுஷின் இயக்கத்தில் எஸ்கே சூர்யா, அபர்ணா முரளி, செல்வராகவன் உள்ளிட்டோர் நடிக்கவிருப்பதாக கூறப்படுகிறது.

இதனையடுத்து இயக்குநர் சேகர் கம்முலா இயக்கும் படத்தில் தனுஷ் நடிக்கவுள்ளார்.

இதில் தனுஷுக்கு ஜோடியாக நடிகை ராஷ்மிக மந்தன நடிப்பார் என்ற அப்டேட் ஏற்கனவே வெளியானது.

தற்போது தெலுங்கு சினிமாவில் முன்னணி நடிகராக வலம் வரும் நாகார்ஜுனா இந்த படத்தில் நடிக்க உள்ளார். இன்று பிறந்தநாள் காணும் அவருக்கு வாழ்த்து தெரிவித்து இந்த அப்டேட்டை வெளியிட்டுள்ளது ஸ்ரீ வெங்கடேஸ்வரா சினிமாஸ் தயாரிப்பு நிறுவனம்.