HBD Priyanka Chopra: ‘அவள் உலக அழகியே..’ நடிகை பிரியங்கா சோப்ராவின் பிறந்தநாள் இன்று!

Priyanka Chopra: சர்வதேச அளவில் பிரபலமான இந்திய நடிகைகளுள் ஒருவரான பிரியங்கா சோப்ரா இன்று தனது 41ஆவது பிறந்தநாளை கொண்டாடுகிறார்.

பிரியங்கா சோப்ரா

சர்வதேச அளவில் பிரபலமான நடிகைகளுள் ஒருவர் நடிகை பிரியங்கா சோப்ரா. இவர் இந்திய திரைப்பட நடிகை மற்றும் முன்னாள் உலக அழகியும் ஆவார்.

மாடலான இவர் 2000 ஆம் ஆண்டு உலக அழகி பட்டம் வென்ற பின் பிரபலம் ஆனார்.

இன்று உலக சினிமாவில் உச்சம் தொட்டுள்ள நடிகை பிரியங்கா சோப்ரா 2002 ஆம் ஆண்டு வெளியான விஜய்யின் தமிழன் திரைப்படம் மூலம் திரையுலகிற்கு அறிமுகமானார்.

பாலிவுட்டில் பிஸியாக நடித்து வந்த பிரியங்கா சோப்ரா தற்போது ஹாலிவுட்டில் ஆக்டிவாக நடித்து வருகிறார்.

இவர் கடந்த 2018 ஆம் ஆண்டு அமெரிக்க பாடகரான நிக் ஜோனஸை காதலித்து திருமணம் செய்து கொண்டார். இவர்களுக்கு மால்டி மெரி என்ற பெண் குழந்தையும் உள்ளது.

இவ்வாறு பல திறமைகளுடன் புகழின் உச்சத்தை தொட்டிருக்கும் நடிகை பிரியங்கா சோப்ரா இன்று தனது 41 ஆவது பிறந்தநாளை கொண்டாடுகிறார்.