Asin Divorce Rumours : இன்ஸ்டா மூலம் விவாகரத்து விவாதங்களுக்கு முற்றுப்புள்ளி வைத்த அசின்!

நடிகை அசின் - ராகுல் சர்மா விவாகரத்து செய்ய உள்ளனர் என்று பரவிய வதந்திக்கு சோஷியல் மீடியா மூலம் சரியான பதிலடியை கொடுத்துள்ளார் அசின்.

விவாகரம் குறித்து விளக்கம் அளித்த அசின்

தமிழ் சினிமாவில் குறுகிய காலகட்டத்திலேயே முன்னணி இடத்தை பிடித்த நடிகைகளில் முக்கியமானவர் நடிகை அசின். M. குமரன் S/O மகாலட்சுமி படத்தில் நடிகர் ஜெயம் ரவி ஜோடியாக மலையாள பெண்ணாக கலக்கியிருப்பார்.முதல் படமே சூப்பர் டூப்பர் ஹிட் படமாக அமைந்ததால் அதனை தொடர்ந்து முன்னணி நடிகர்களின் ஜோடியாக நடிக்க அவருக்கு வாய்ப்புகள் குவிந்தன.

கஜினி, சிவகாசி, மஜா, உள்ளம் கேட்குமே, போக்கிரி, தசாவதாரம், வேல் என அடுத்தடுத்து வெளியான அனைத்து படங்களுமே ஹிட் அடித்தன. கிட்டத்தட்ட இரண்டே ஆண்டுகளில் தமிழ் சினிமாவின் ஸ்டார் நடிகையானார் அசின்.