Uzhaipali 30 years : 100 நாட்களுக்கு ஓடிய ரஜினியின் சூப்பர் ஹிட் படம்.. 30 ஆண்டுகளை நிறைவு செய்த உழைப்பாளி!

பி.வாசு இயக்கத்தில் நடிகர் ரஜினிகாந்த் நடிப்பில் உருவான ‘உழைப்பாளி’ படம் வெளியாகி மாபெரும் வெற்றி பெற்றது.

உழைப்பாளி படம்

நடிகர் ரஜினிகாந்த் ஹீரோவாக ரோஜா ஹீரோயினாக நடித்த படம்தான் உழைப்பாளி.

இந்த படத்தில் ராதாரவி, எஸ்.எஸ்.சந்திரன், நிழல்கள் ரவி, மயில்சாமி, விவேக், சுஜாதா, கவுண்டமணி என ஏகப்பட்ட நட்சத்திரங்கள் நடித்தனர்.

ஒரு தொழிற்சாலையில் கூலி வேலை செய்யும் ரஜினி, பின் ஒரு பணக்கார வீட்டில் போலியான மகனாக நடிக்கிறார். ஆனால் ஒரு கட்டத்தில் பின்விளைவுகளைச் சந்திக்க விரும்பாமல் அந்த வீட்டிலிருந்து தப்பித்து கொள்கிறார்.

பின்னர் நிஜமான வாரிசே அவர்தான் என்று அவருக்கு தெரியவர அதற்கு காரணமான வில்லன்களை பழிவாங்குகிறார்.இறுதியாக மொத்த சொத்துக்கும் வாரிசாக மாறாமல் கடைசி வரை கூலி தொழிலாளியாக தனது வாழ்க்கையை கழிக்கிறார் ரஜினி.

‘உழைப்பாளி இல்லாத நாடுதான்’என்ற பாடலை உழைக்கும் வர்க்கத்திற்கு சமர்ப்பணம் செய்தது இப்படம்.

நூறு நாட்களை கடந்து ஓடிய உழைப்பாளி, இன்றுடன் வெளியாகி 30 ஆண்டுகளை நிறைவு செய்துள்ளது