Karthi 27 : 96 பட இயக்குநருடன் இணையும் நடிகர் கார்த்தி!

Karthi 27th Film : விதவிதமான கதாபாத்திரங்களை தேர்வு செய்து அடுத்தடுத்த படங்களில் பிசியாக நடித்து வருகிறார் கார்த்தி.

கார்த்தியின் 27வது படம்

தமிழ் சினிமாவில் ஹிட் படங்கள் கொடுத்து வரும் நடிகர்களில் கார்த்தியும் ஒருவர். கார்த்தியின் 27 படத்தை 96 பட இயக்குநர் பிரேம் குமார் இயக்கவுள்ளார்.

இந்த படத்தை 2D என்டர்டைன்மெண்ட் நிறுவனம் தயாரிக்கவுள்ளது. சூர்யா- ஜோதிகா தயாரிப்பில் கார்த்தி நடிக்கும் மூன்றாவது படம் இது.

இந்த படத்தில் அரவிந்தசாமி, ஸ்ரீ திவ்யா, ராஜ்கிரண் ஆகியோர் முன்னணி கதாபாத்திரத்தில் நடிக்கவுள்ளனர்.

96 படத்தில் இசையமைத்த கோவிந்த் வசந்தா உடன் மீண்டும் கைகோர்க்கிறார் பிரேம் குமார்.

கடைக்குட்டி சிங்கம் படத்தில் சூர்யா கேமியோவாக ஒரு காட்சியில் நடித்திருப்பார். இந்த படத்திலும் சூர்யா கேமியோவாக வருவதற்கு வாய்ப்பு உள்ளதாக சொல்லப்படுகிறது.

நாளை கார்த்தியின் பிறந்தநாளை முன்னிட்டு இன்று மாலை 5 மணிக்கு படத்தின் ஃபர்ஸ்ட் லுக் போஸ்டர் வெளியாகவுள்ளது.