Watch: தமிழ்நாட்டின் அடர்ந்த காடுகளில் சுற்றி மகிழும் கேரளாவின் அரிக்கொம்பன்… வீடியோ வெளியிட்ட ஐ. ஏ.எஸ்!

இந்த யானை இறுதியாக தமிழ்நாட்டின் இந்த வனப்பகுதிக்கு கொண்டு செல்லப்படுவதற்கு முன்னர் பல்வேறு குடியிருப்பு பகுதிகளுக்குள் சென்றது பீதியை கிளப்பியது.

அரிக்கொம்பன் யானை

கேரளாவின் புகழ்பெற்ற அரிக்கொம்பன் யானை பல கட்ட போராட்டத்திற்கு பின்னர் இறுதியாக ஒரு புதிய பாதுகாப்பான இருப்பிடத்தை அடைந்துள்ளது. அந்த யானை தமிழ்நாட்டின் அடர்ந்த காடுகளுக்கு மாற்றப்பட்டுள்ளது.

புதிய இருப்பிடத்தில் அரிக்கொம்பன் 

தமிழ்நாடு சுற்றுச்சூழல் காலநிலை மாற்றம் மற்றும் வனத்துறையின் கூடுதல் தலைமைச் செயலாளரான ஐஏஎஸ் அதிகாரி சுப்ரியா சாஹு, தனது புதிய இருப்பிடத்தில் இருக்கும் யானையின் வீடியோவைப் பகிர்ந்துள்ளார். வீடியோ இணைக்கப்பட்டு அவர் வெளியிட்டுள்ள அந்த ட்வீட்டில், அமைதியான சூழல் யானையின் நிரந்தர வீடாக மாறும் என்று சாஹு நம்புவாதாக தெரிவிக்கிறார். வெளியாகியுள்ள சிறிய விடியோ கிளிப்பில், யானை அதன் புதிய சூழலை ரசித்து, அதன் வாழ்விடத்தின் அமைதி மற்றும் இயற்கை அழகில் திளைக்க முற்படுகிறது.

சுப்ரியா சாஹூ வெளியிட்ட விடியோ

சுப்ரியா சாஹு அந்த கிளிப் உடன் ட்வீட்டில், “சாப்பிடுவதற்கு முன் சலசலக்கும் நீரில் புல்லை நன்றாக சுத்தம் செய்யுங்கள். என்றென்றும் நன்றாக இருக்க வேண்டும் என்று நாம் பிரார்த்தனை செய்யும் அதன் புதிய வீட்டின் அமைதி மற்றும் அழகில் திளைப்பது போல் தெரிகிறது. காலம்தான் பதில் சொல்லும்," என்று அவர் ட்வீட் செய்துள்ளார். ஐஏஎஸ் அதிகாரி சுப்ரியா சாஹுவின் ட்வீட் பார்வையாளர்களை வெகுவாகக் கவர்ந்துள்ளது. அனைவரும் இந்த அற்புதமான விலங்குக்கு வாழ்வதற்கான பாதுகாப்பான, மகிழ்ச்சியான இருப்பிடத்தை வழங்குவதன் முக்கியத்துவத்தைப் பாராட்டுகிறார்கள். 

அரிக்கொம்பன் என்றால் என்ன?

பலருக்கு, இது இந்த உயிரினங்களின் நம்பமுடியாத அழகு மற்றும் கருணையின் நினைவூட்டலாக இருந்தது. யானை தனக்கென ஒரு நிரந்தர வீட்டைக் கண்டுபிடித்ததில் டிவிட்டர் வாசிகள் மகிழ்ச்சியடைந்தனர். இயற்கையின் அற்புதங்கள் மற்றும் நமது விலைமதிப்பற்ற வனவிலங்குகளைப் பாதுகாக்க வேண்டியதன் அவசியத்தைப் பற்றிய ஆழமான பாராட்டுகளைப் பலர் பகிர்ந்து கொண்டனர். இந்த அரிக்கொம்பன் என்னும் பெயரை பெரும் யானைகள், தனது கூட்டத்தில் இருந்து கூட்டத்தை வழிநடத்தும் பெண் யானையால் விலக்கி வைக்கப்படும் யானை ஆகும். கூட்டத்தின் தலைவி சொல்லை கேட்டு பணியாமல் தனித்து செயல்படும் கொம்பன் யானை இவ்வாறு தனித்து விடப்படும். ஏனெனில் அந்த கூட்டத்திலேயே பலமான, பெரிய யானையான இது அங்கு அடிபணிந்து நடப்பதை விரும்பாமல் இப்படி செய்யலாம். ஆனால் தனித்து சென்ற பின்னர், பாசம் இன்றி ஏங்கி மனிதர்களை காணும்போது உக்ரமாக நடந்து கொள்ள தொடங்கும்.

Cleans the grass well in tranquil waters before eating. Looks like soaking in the calm and beauty of his new home which we pray should be forever. Time will tell #Arikomban #TNForest #elephants pic.twitter.com/eU3Avk9jjo

— Supriya Sahu IAS (@supriyasahuias) June 7, 2023

இந்த யானை ஏன் அரிக்கொம்பன் ஆனது?

ஏப்ரலில் கேரள உயர்நீதிமன்றத்தின் உத்தரவைத் தொடர்ந்து அரிக்கொம்பன் முதலில் இடுக்கியின் சின்னக்கானலில் இருந்து பெரியாறு புலிகள் காப்பகத்தில் இடமாற்றம் செய்யப்பட்டது. ஆனால், யானை விடுவிக்கப்பட்ட இடத்திலிருந்து தப்பி ஓடி, தனது பிறந்த வீட்டிற்குத் திரும்புவதற்கான வழியைக் கண்டுபிடிக்க முயன்றது. பின்னர் இந்த யானை இறுதியாக தமிழ்நாட்டின் இந்த வனப்பகுதிக்கு கொண்டு செல்லப்படுவதற்கு முன்னர் பல்வேறு குடியிருப்பு பகுதிகளுக்குள் சென்றது பீதியை கிளப்பியது. கடைகளிலும் வீடுகளிலும் பதுக்கி வைக்கப்பட்டிருந்த அரிசிகளை நாசம் செய்த நிலையில், அரிக்கொம்பன் என்ற பெயரை இந்த யானை பெற்றது. யானை, காலப்போக்கில், பயிர்களை சேதப்படுத்துவதையும், வாழைப்பழங்களை உண்ணுவதையும் வழக்கமாகக் கொண்டது. அது வாழும் பிரதேசத்தில் மனித நடவடிக்கைகள் அதிகரிப்பதை உணர்ந்த அரிகொம்பன், ஆக்ரோஷமாக மாறியது, இது கிட்டத்தட்ட பத்து பேரின் மரணத்திற்கு வழிவகுத்த நிலையில் இந்த முடிவு எடுக்கப்படடுள்ளது.