விழுப்புரம், கள்ளக்குறிச்சியில் வார்டு கவுன்சிலர் பதவிகள் யாருக்கு - பட்டியல் வெளியீடு

’’உள்ளாட்சி தேர்தலுக்கான மாவட்ட ஊராட்சி தலைவர், ஒன்றியக்குழு தலைவர், மாவட்ட, ஊராட்சி ஒன்றிய கவுன்சிலர் பதவிகளுக்கான இடஒதுக்கீடு பட்டியலை தமிழ்நாடு மாநில தேர்தல் ஆணையம் அரசிதழில் வெளியிட்டுள்ளது’’

விழுப்புரம் மாவட்டம்

விழுப்புரம், காஞ்சிபுரம், வேலூர், தென்காசி, கள்ளக்குறிச்சி, செங்கல்பட்டு, ராணிப்பேட்டை, திருப்பத்தூர் ஆகிய 9 மாவட்டங்களுக்கு அக்டோபர் 6 மற்றும் 9 ஆம் தேதிகளில் உள்ளாட்சித் தேர்தல் நடைபெறும் என மாநில தேர்தல் ஆணையர் பழனிகுமார் அறிவித்துள்ளார். காலை 7 மணி முதல் மாலை 6 மணி வரை வாக்குப்பதிவு நடைபெறுகிறது. இதற்கான வேட்புமனு தாக்கல் வரும் 15 ஆம் தேதி தொடங்குகிறது. வேட்புமனு தாக்கல் செய்ய கடைசி நாள் செப்டம்பர் 22 ஆம் தேதி ஆகும்.

தேர்தல் வாக்கு எண்ணிக்கை அக்டோபர் 12 ஆம் தேதி நடைபெறவுள்ளது. இரண்டு கட்டங்களாக தேர்தல் நடைபெறும் என அறிவிக்கப்பட்டுள்ள நிலையில், முதல் கட்டத்தில் எங்கெங்கு தேர்தல் நடைபெறும், இரண்டாம் கட்டத்தில் எங்கெங்கு தேர்தல் நடைபெறும் என்றும் அறிவிக்கப்பட்டுள்ளது.  அதன்படி, மாவட்டங்கள் மற்றும் மாவட்ட ஊராட்சி வார்டுகள்,  ஊராட்சி ஒன்றிய வார்டுகள்,  கிராம ஊராட்சிகள் மற்றும் கிராம ஊராட்சி வார்டுகளை உள்ளடக்கிய  ஊராட்சி ஒன்றியங்களின் பட்டியல் வெளியிடப்பட்டுள்ளது.

இந்நிலையில் உள்ளாட்சி தேர்தலுக்கான மாவட்ட ஊராட்சி தலைவர், ஒன்றியக்குழு தலைவர், மாவட்ட, ஊராட்சி ஒன்றிய கவுன்சிலர் பதவிகளுக்கான இடஒதுக்கீடு பட்டியலை தமிழ்நாடு மாநில தேர்தல் ஆணையம் அரசிதழில் வெளியிட்டுள்ளது. இதில் விழுப்புரம், கள்ளக்குறிச்சி ஆகிய மாவட்டங்களில் மாவட்ட கவுன்சிலர் பதவிக்கான இடஒதுக்கீடு பட்டியல் விவரம் வருமாறு:-

விழுப்புரம் மாவட்டம்

1. ஒலக்கூர் ஊராட்சி ஒன்றியம் வார்டு எண் 7, 8, (எஸ்.சி. பெண்கள்)
2. மரக்காணம் ஊராட்சி ஒன்றியம் வார்டு எண் 10 (எஸ்.சி. பெண்கள்), வார்டு எண் 9 (பெண்கள் பொது)
3. கண்டமங்கலம் ஊராட்சி ஒன்றியம் வார்டு எண் 28 (எஸ்.சி. பெண்கள்), வார்டு எண் 27 (பெண்கள் பொது)
4. மயிலம் ஊராட்சி ஒன்றியம் வார்டு எண் 6 (எஸ்.சி. பொது), வார்டு எண் 5 (பெண்கள் பொது)
5. முகையூர் ஊராட்சி ஒன்றியம் வார்டு எண் 15 (எஸ்.சி. பொது), வார்டு எண் 13, 14 (பொதுப்பிரிவினர்)
6. வானூர் ஊராட்சி ஒன்றியம் வார்டு எண் 21, 22 (எஸ்.சி. பொது), வார்டு எண் 20 (பெண்கள் பொது)
7. மேல்மலையனூர் ஊராட்சி ஒன்றியம் வார்டு எண் 1, 2 (பெண்கள் பொது)
8. செஞ்சி ஊராட்சி ஒன்றியம் வார்டு எண் 11 (பெண்கள் பொது), வார்டு எண் 12 (பொதுப்பிரிவினர்)
9. விக்கிரவாண்டி ஊராட்சி ஒன்றியம் வார்டு எண் 19 (பெண்கள் பொது), வார்டு எண் 18 (பொதுப்பிரிவினர்)
10. கோலியனூர் ஊராட்சி ஒன்றியம் வார்டு எண் 23, 24 (பெண்கள் பொது)
11. வல்லம் ஊராட்சி ஒன்றியம் வார்டு எண் 3, 4 (பொதுப்பிரிவினர்)
12. காணை ஊராட்சி ஒன்றியம் வார்டு எண் 16, 17 (பொதுப்பிரிவினர்)
13. திருவெண்ணெய்நல்லூர் ஊராட்சி ஒன்றியம் வார்டு எண் 25, 26 (பொதுப்பிரிவினர்)

கள்ளக்குறிச்சி மாவட்டம்

1. கல்வராயன்மலை ஊராட்சி ஒன்றியம் வார்டு எண் 10 (எஸ்.டி. பெண்கள்)
2. சின்னசேலம் ஊராட்சி ஒன்றியம் வார்டு எண் 12 (எஸ்.சி. பெண்கள்), வார்டு எண் 11 (பொது)
3. தியாகதுருகம் ஊராட்சி ஒன்றியம் வார்டு எண் 13, 14 (எஸ்.சி. பெண்கள்)
4. உளுந்தூர்பேட்டை ஊராட்சி ஒன்றியம் வார்டு எண் 17 (எஸ்.சி. பெண்கள்), வார்டு எண் 15, 16 (பெண்கள் பொது)
5. ரிஷிவந்தியம் ஊராட்சி ஒன்றியம் வார்டு எண் 4 (எஸ்.சி. பொது), வார்டு எண் 3 (பெண்கள் பொது), வார்டு எண் 5 (பொது)
6. கள்ளக்குறிச்சி ஊராட்சி ஒன்றியம் வார்டு எண் 8, 9 (எஸ்.சி. பொது)
7. சங்கராபுரம் ஊராட்சி ஒன்றியம் வார்டு எண் 1, 2 (பெண்கள் பொது)
8. திருக்கோவிலூர் ஊராட்சி ஒன்றியம் வார்டு எண் 6, 7 (பொது)
9. திருநாவலூர் ஊராட்சி ஒன்றியம் வார்டு எண் 18, 19 (பொது)