![ABP Premium](https://cdn.abplive.com/imagebank/Premium-ad-Icon.png)
Omni Bus Ticket: தீபாவளிக்கு ஊருக்கு போறீங்களா? ஆம்னி பஸ் டிக்கெட் விலை இதுதான்...மக்களுக்கு ஷாக்!
போக்குவரத்து அமைச்சர் சிவசங்கருடன் நடத்தப்பட்ட பேச்சு வார்த்தைக்கு பின் ஆம்னி பேருந்து சங்கம் டிக்கெட் விலையை அறிவித்துள்ளது.
![Omni Bus Ticket: தீபாவளிக்கு ஊருக்கு போறீங்களா? ஆம்னி பஸ் டிக்கெட் விலை இதுதான்...மக்களுக்கு ஷாக்! Omni Bus Ticket fare is announced for chennai to trichy madurai nellai and other districts Omni Bus Ticket: தீபாவளிக்கு ஊருக்கு போறீங்களா? ஆம்னி பஸ் டிக்கெட் விலை இதுதான்...மக்களுக்கு ஷாக்!](https://feeds.abplive.com/onecms/images/uploaded-images/2023/10/28/bfaaca46fb2de00dfbdf298e4424bbf51698492540436572_original.jpg?impolicy=abp_cdn&imwidth=1200&height=675)
Omni Bus Ticket: போக்குவரத்து அமைச்சர் சிவசங்கருடன் நடத்தப்பட்ட பேச்சு வார்த்தைக்கு பின் ஆம்னி பேருந்து சங்கம் டிக்கெட் விலையை அறிவித்துள்ளது.
ஆம்னி பேருந்துகள்:
பொதுவாக பண்டிகை காலங்களில் சென்னை உள்ளிட்ட முக்கிய நகரங்களில் இருந்து மக்கள் சொந்த ஊர்களுக்கு செல்வது வழக்கம் தான். பண்டிகை காலங்களில் அரசு சார்பில் சிறப்பு பேருந்துகளும் அறிவிக்கப்படுகிறது. ஆனால், இதில் டிக்கெட் கிடைக்காத பட்சத்தில் மக்கள் ஆம்னி பேருந்துகளில் டிக்கெட் முன்பதிவு செய்து செல்கின்றனர். இந்த சமயத்தில் ஆம்னி பேருந்துகள் மக்களிடம் அதிக கட்டணம் வசூல் செய்கின்றனர். இதனால் கடந்த வாரம் தமிழக அரசு, அதிக கட்டணம் வசூலிக்கும் ஆம்னி பேருந்துகளை பறிமுதல் செய்தது.
இதனால், ஆம்னி பேருந்துகள் உரிமையாளர்கள் ஸ்டிரைக் நடத்தினர். இதன்பிறகு, போக்குவரத்து துறை அமைச்சர் சிவசங்கருடன் பல கட்டமாக பேச்சு வார்த்தை நடத்தப்பட்டது. இதனிடையே, தீபாளவி பண்டிகை நெருங்கி வரும் நிலையில், அமைச்சர் சிவசங்கர், ஆம்னி பேருந்துகள் உரிமையாளர்கள் சங்கத்தினருடன் இன்று பேச்சு வார்த்தை நடத்தினார். இதில், கடந்த செப்டம்பர் 2022 சங்கங்கள் நிர்ணயித்த கட்டணத்தை விட ஐந்து சதவீதம் குறைவாக வசூலிப்பது என ஒருமனதாக முடிவு செய்யப்பட்டு, கட்டணம் விவரம் வெளியிடப்பட்டது. அதன்படி, சென்னையில் இருந்து கோயம்புத்தூருக்கு குறைந்தபட்சம் 1,724 ரூபாயும், அதிகபட்சமாக, 2,874 ரூபாயும் நிர்ணயிக்கப்பட்டுள்ளது.
டிக்கெட் விலை எவ்வளவு?
புறப்படும் இடம் (சென்னை) | குறைந்தபட்ச கட்டணம் | அதிகபட்ச கட்டணம் |
தஞ்சை | 1,097 ரூபாய் | 1,829 ரூபாய் |
கோவை | 1,724 ரூபாய் | 2,874 ரூபாய் |
மதுரை | 1,599 ரூபாய் | 2,665 ரூபாய் |
நாகப்பட்டினம் | 972 ரூபாய் | 1,620 ரூபாய் |
நாகர்கோவில் | 2,210 ரூபாய் | 3,684 ரூபாய் |
சிதம்பரம் | 690 ரூபாய் | 1,150 ரூபாய் |
பாண்டிச்சேரி | 502 ரூபாய் | 836 ரூபாய் |
திருச்சி | 1,066 ரூபாய் | 1,777 ரூபாய் |
தென்காசி | 1,975 ரூபாய் | 3,292 ரூபாய் |
ராஜபாளையம் | 1,756 ரூபாய் | 2,926 ரூபாய் |
சேலம் | 1,097 ரூபாய் | 1,829 ரூபாய் |
திருச்செந்தூர் | 2,006 ரூபாய் | 3,344 ரூபாய் |
தூத்துக்குடி | 1,912 ரூபாய் | 3,187 ரூபாய் |
நெல்லை | 1,959 ரூபாய் | 3,266 ரூபாய் |
தேனி | 1,630 ரூபாய் | 2,717 ரூபாய் |
ஈரோடு | 1,276 ரூபாய் | 2,127 ரூபாய் |
புதுக்கோட்டை | 1,254 ரூபாய் | 2,090 ரூபாய் |
காரைக்குடி | 1,317 ரூபாய் | 2,195 ரூபாய் |
திருப்பத்தூர் | 1,348 ரூபாய் | 2,247 ரூபாய் |
சிவகங்கை | 1,568 ரூபாய் | 2,613 ரூபாய் |
ராமேஸ்வரம் | 2,006 ரூபாய் | 3,344 ரூபாய் |
விருதுநகர் | 1,630 ரூபாய் | 2,717 ரூபாய் |
சிவகாசி | 1,693 ரூபாய் | 2,822 ரூபாய் |
கடலூர் | 564 ரூபாய் | 961 ரூபாய் |
திருவாரூர் | 1,050 ரூபாய் | 1,750 ரூபாய் |
தீபாவளி பண்டிகையை முன்னிட்டு பயணிகளின் நலன் கருதி ஆம்னி பேருந்துகளின் கட்டணத்தை குறைக்க வேண்டும் என அரசு சார்பில் கோரிக்கை வைக்கப்பட்டது. அதன்பேரில் தீபாவளிக்கு மேற்கண்ட கட்டணங்கள் ஆம்னி பேருந்துகளில் வசூலிக்கப்படும் என்று தெரிவிக்கப்பட்டுள்ளது.
மேலும் படிக்க
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)