கரூர்: தீரன் சின்னமலை, மாமன்னர் வல்வில் ஓரி படத்திற்கு முன்னாள் அமைச்சர் விஜயபாஸ்கர் மரியாதை
முன்னாள் அமைச்சர் எம்.ஆர்.விஜயபாஸ்கர் தலைமையில் சுதந்திரப் போராட்ட வீரர் தீரன் சின்னமலை மற்றும் வல்வில் ஓரி அவர்களின் திருவுருவப் படத்திற்கு மலர் தூவி மரியாதை செலுத்தப்பட்டது.
கரூரில் சுதந்திரப் போராட்ட வீரர் தீரன் சின்னமலை அவர்களின் திருவுருவப் படத்திற்கும், மாமன்னர் வல்வில் ஓரி அவர்களின் திருவுருவப் படத்திற்கும் முன்னாள் அமைச்சர் எம்.ஆர்.விஜயபாஸ்கர் மலர் தூவி மரியாதை செலுத்தினார்கள்.
சுதந்திரப் போராட்ட வீரர் மாவீரன் தீரன் சின்னமலை அவர்களின் 217 வது நினைவு தினம் மற்றும் கடையேழு வள்ளல்களில் ஒருவரான மாமன்னர் வல்வில் ஓரி அவர்களின் அரசு விழாவை முன்னிட்டு கரூர் மாவட்ட அனைத்திந்திய அண்ணா திராவிட முன்னேற்றக் கழகத்தின் சார்பில் கரூர் மாவட்ட அதிமுக கட்சி அலுவலகத்தில் முன்னாள் போக்குவரத்துத்துறை அமைச்சரும், கரூர் மாவட்ட கழக செயலாளருமான எம்.ஆர்.விஜயபாஸ்கர் தலைமையில் சுதந்திரப் போராட்ட வீரர் தீரன் சின்னமலை மற்றும் வல்வில் ஓரி அவர்களின் திருவுருவப் படத்திற்கு மலர் தூவி மரியாதை செலுத்தப்பட்டது.
இந்நிகழ்ச்சியில் கழக அமைப்புச் செயலாளர் சின்னசாமி, மாவட்ட அவைத்தலைவர் திரு.வி.கா, கரூர் சட்டமன்ற தொகுதி பொதுக்குழு உறுப்பினர் பசுவை சிவசாமி, மாவட்ட இளைஞர், இளம்பெண்கள் பாசறை செயலாளர் கமலகண்ணன், மாவட்ட எம்.ஜி.ஆர் இளைஞர் அணி செயலாளர் தானேஷ் (எ) முத்துக்குமார், மாவட்ட மாணவரணி செயலாளர் சரவணன், மாவட்ட மகளிர் அணி செயலாளர் ரேணுகா மோகன்ராஜ், ஒன்றிய செயலாளர்கள் மார்கண்டேயன், மதுசுதன், செல்வகுமார், அரவிந்த், கரூர் பகுதி கழக செயலாளர்கள் விசிகே ஜெயராஜ், சேரன் பழனிச்சாமி, அண்ணமார் தங்கவேல், ஆண்டாள் தினேஷ் குமார், சுரேஷ் உள்ளிட்ட மாவட்ட கழக நிர்வாகிகள், ஒன்றிய கழக, பகுதி கழக நிர்வாகிகள், கழக தொண்டர்கள் என பலர் கலந்து கொண்டனர்.
மேலும் படிக்க: Mayiladuthurai Kidnap: மயிலாடுதுறையில் வீடு புகுந்து இளம்பெண்ணை கடத்திய கும்பல் - அதிர்ச்சி வீடியோ..!
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
