விசாரணைக்கு ஆஜராகுமாறு முன்னாள் அமைச்சர் விஜயபாஸ்கருக்கு லஞ்ச ஒழிப்புத்துறை சம்மன்...!

வரும் 30ஆம் தேதி விசாரணைக்கு ஆஜராகுமாறு விஜயபாஸ்கருக்கு லஞ்சஒழிப்புத்துறை சம்மன் அனுப்பியுள்ளது.

முன்னாள்அமைச்சர் எம் ஆர் விஜயபாஸ்கர்

முன்னாள் போக்குவரத்துத்துறை அமைச்சர் எம்.ஆர்.விஜயபாஸ்கருக்கு சொந்தமான பல இடங்களில் லஞ்ச ஒழிப்புத்துறையினர் சோதனை நடத்தினார்கள். இந்த நிலையில், வரும் 30ஆம் தேதி விசாரணைக்கு நேரில் ஆஜராகுமாறு விஜயபாஸ்கருக்கு லஞ்சஒழிப்புத்துறை சம்மன் அனுப்பியுள்ளது.

கடந்த ஜூலை 22ஆம் தேதி அதிமுக முன்னாள் அமைச்சர் எம்.ஆர்.விஜயபாஸ்கருக்கு சொந்தமான இடங்களில் நடைபெற்ற சோதனையில் ரூ.25.56 லட்சம் பறிமுதல் செய்யப்பட்டது. 13 மணி நேரத்திற்கும் மேலாக 26 இடங்களில் நடத்தப்பட்ட சோதனையில் முக்கிய ஆவணங்கள், சொத்து ஆவணங்கள் பறிமுதல் செய்யப்பட்டதாக லஞ்ச ஒழிப்பு காவல்துறை கூறியது. மேலும், காப்பீடு நிறுவனங்களில் செய்யப்பட்ட முதலீடுகள், பரிவர்த்தனைகள் தொடர்பான ஆவணங்களும் சிக்கியதாகவும் கூறப்பட்டது.

 

#BREAKING | முன்னாள் அதிமுக அமைச்சர் எம்.ஆர்.விஜயபாஸ்கர் செப்.30ம் தேதி நேரில் ஆஜராகுமாறு லஞ்ச ஒழிப்பு போலீசார் சம்மன்

கடந்த ஜூலை 20ம் தேதி எம்.ஆர்.விஜயபாஸ்கருக்கு சொந்தமான இடங்களில் சோதனை நடைபெற்றதுhttps://t.co/wupaoCQKa2 | #MRVijayabaskar | #DAVC | #TNGovt

— ABP Nadu (@abpnadu) September 28, 2021

இதுதொடர்பாக லஞ்ச ஒழிப்புத்துறை வெளியிட்டுள்ள அறிக்கையின் முழுவிவரம்:

தமிழ்நாடு அரசு போக்குவரத்துறை முன்னாள் அமைச்சர் எம்.ஆர்.விஜயபாஸ்கர், அவரது மனைவி 
விஜயலட்சுமி, அவரது தம்பி சேகர் ஆகியோர் பெயரிலும் மற்றும் தான் பங்குதாரராக உள்ள
நிறுவனங்கள் பெயரிலும் தனதுபணிக்காலத்தில் வருமானத்திற்கு அதிகமாக சொத்துகள் சேர்த்துள்ளது சம்பந்தமாக அவர்கள் மீது கடந்த 21.07.2021ஆம் தேதி கரூர் ஊழல் தடுப்பு மற்றும் கண்காணிப்பு பிரிவில் குற்ற எண்.5/AC/2021 பிரிவு 13(2) r/w 13(1)(b) of the PC (Amendment) Act, 2018 மற்றும் பிரிவு 12 r/w 13(2) r/w 13(1)(b) of the PC (Amendment) Act, 2018-ன்படி வழக்கு பதிவு செய்யப்பட்டு விசாரணையில் இருந்து வருகிறது. மேற்படி வழக்கு தொடர்பாக எம்.ஆர்.விஜயபாஸ்கர் மற்றும் அவரது உறவினர்கள், அவர் பங்குதாரராக உள்ள நிறுவனங்கள், அவருக்கு நெருங்கிய தொடர்புடையவர்கள் என சந்தேகிக்கப்பட்ட நபர்களின் இருப்பிடம் உட்பட மொத்தம் 26 இடங்களில் ஊழல் தடுப்பு மற்றும் கண்காணிப்புத்துறையினரால் இன்று 22.07.2021ஆம் தேதி சோதனை மேற்கொள்ளப்பட்டது. இந்த சோதனையில் பணம் ரூ.25,56,000/- மற்றும் சொத்து சம்பந்தப்பட்ட முக்கிய ஆவணங்கள், காப்பீட்டு நிறுவனங்களில் செய்யப்பட்ட முதலீடுகள்மற்றும் நிறுவனங்களில் மேற்கொள்ளப்பட்ட பரிவர்த்தனை தொடர்பான ஆவணங்கள் கைப்பற்றப்பட்டன.