TN Weather Update: 13 மாவட்டங்களில் சதமடித்த வெயில்.. அதிகபட்ச வெப்பநிலை எவ்ளோ தெரியுமா? இன்றைய வானிலை நிலவரம்..
தமிழ்நாட்டில் கடந்த 24 மணி நேரத்தில் 13 மாவட்டங்களில் 100 டிகிரி பாரன்ஹீட் கடந்து வெப்பநிலை பதிவாகியுள்ளது.
தமிழ்நாட்டில் கடந்த சில தினங்களாக வெப்ப சலனம் காரணமாக ஒரு சில பகுதிகளில் மிதமான மழை பெய்து வருகிறது. ஆனால் அநேக இடங்களில் வெயிலின் தாக்கம் அதிகரித்துள்ளது.
அதிகபட்ச வெப்பநிலை :
20.05.2023: தமிழக பகுதிகளில் ஓரிரு இடங்களில் அதிகபட்ச வெப்பநிலை இயல்பிலிருந்து 2 - 3 டிகிரி செல்சியஸ் அதிகமாக இருக்கக்கூடும்.
குறிப்பு: அதிக வெப்பநிலை மற்றும் அதிக ஈரப்பதம் இருக்கும் பொழுது வெப்ப அழுத்தம் (Heat Stress ) காரணமாக அசௌகரியம் ஏற்படலாம். இதனால் மக்கள் பகல் நேரங்களில் வெளியில் செல்ல வேண்டாம் என அறிவுறுத்தப்பட்டுள்ளனர்.
சென்னை மற்றும் புறநகர் பகுதிகளுக்கான வானிலை முன்னறிவிப்பு:
அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 38-39 டிகிரி செல்சியஸ் மற்றும் குறைந்தபட்ச வெப்பநிலை 28-29 டிகிரி செல்சியஸை ஒட்டியே இருக்கும்.
நேற்று 13 மாவட்டங்களில் 100 டிகிரி பாரன்ஹீட் கடந்து வெப்பநிலை பதிவானது. கடந்த 24 மணி நேரத்தில் தமிழ்நாட்டில் வேலூரில் 40.0 டிகிரி செல்சியஸ் வெப்பநிலை பதிவாகியுள்ளது. அதனை தொடர்ந்து கரூர் பரமத்தியில் 39.5 டிகிரி செல்சியஸ், ஈரோட்டில் 39.2 டிகிரி செல்சியஸ், மதுரையில் 39 டிகிரி செல்சியஸ், திருப்பத்தூரில் 39 டிகிரி செல்சியஸ், திருச்சியில் 38.7 டிகிரி செல்சியஸ், திருத்தணி 38.4 டிகிரி செல்சியஸ், சேலம் 38.1 டிகிரி செல்சியஸ், தஞ்சாவூர் 38.0 டிகிரி செல்சியஸ், கடலூர் 38.0 டிகிரி செல்சியஸ், பரங்கிப்பேட்டையில் 37.5 டிகிரி செல்சியஸ் வெப்பநிலை பதிவாகியுள்ளது.
சென்னையை பொறுத்தவரையில் மீனம்பாக்கத்தில் 39.5 டிகிரி செல்சியஸ் வெப்பநிலையும், நுங்கம்பாக்கத்தில் 37.1 டிகிரி செல்சியஸ் வெப்பநிலையும் பதிவாகியுள்ளது. கடந்த வாரம் சென்னையில் ஆறு ஆண்டுகளுக்கு பிறகு அதிகபட்ச வெப்பநிலை 42.7 டிகிரி செல்சியஸ் பதிவானது. மேலும் கடல் காற்று நகருக்குள் வருவதால் மாலை வேளையில் உஷ்ணம் சற்று குறைவாக காணப்படுகிறது.
பிற இடங்களில் வெப்ப நிலை பதிவு
வானகரம் - 40.7 டிகிரி செல்சியஸ்
தாம்பரம் - 40.1 டிகிரி செல்சியஸ்
செம்பாரம்பாக்கம் - 39.9 டிகிரி செல்சியஸ்
வில்லிவாக்கம் / அண்ணாநகர் மேற்கு - 39.1 டிகிரி செல்சியஸ்
பொத்தேரி - 38.6 டிகிரி செல்சியஸ் வெப்பநிலை பதிவாகியுள்ளது.
அதே சமயம் கடல் காற்று இருக்கும் பகுதிகளில் வெப்பநிலை குறைந்து பதிவாகியுள்ளது.
எண்ணூர் 31.7 டிகிரி செல்சியஸ்
எம்ஆர்சி நகர் 32.6 டிகிரி செல்சியஸ்
நந்தனம் 33.7 டிகிரி செல்சியஸ்
தரமணி 34.1 டிகிரி செல்சியஸ்
நுங்கம்பாக்கம் 34.9 டிகிரி செல்சியஸ்
மாதவரம் 35.1 டிகிரி செல்சியஸ் வெப்பநிலை பதிவாகியுள்ளது.
தமிழ்நாட்டில் அக்னி நட்சத்திரம் என்னும் கத்திரி வெயில் காலம் நடைபெற்று வருவதால் இந்த காலக்கட்டத்தில் வெப்பநிலை இயல்பை விட அதிகமாக தான் இருக்கும். ஆனால் மே மாதம் தொடக்கத்தில் தென்கிழக்கு வங்கக்கடலில் உருவான மோக்கா புயல் காரணமாக நல்ல மழை பதிவு இருந்தது. வெப்பநிலையும் அதிகபட்சமாக 37 டிகிரி செல்சியஸ் ஒட்டியே இருந்தது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
