பாஜக - அதிமுக உறவு கணவன், மனைவி உறவு போன்றது - எச்.ராஜா

பாஜக, அதிமுக கூட்டணி என்பது கணவன், மனைவி உறவு போன்றது தினமும் ஐலவ்யூ  என கூற முடியுமா என்று பாஜக மூத்த தலைவர் எச்.ராஜா கேள்வி எழுப்பியுள்ளார்.

பாஜக மூத்த தலைவர் எச்.ராஜா

மயிலாடுதுறையில் விஸ்வஹிந்து பரிஷத் மாநில துணைத் தலைவர் வாஞ்சிநாதன் இல்லத் திருமண விழாவில் பாரதிய ஜனதா கட்சியின் மூத்த தலைவர் எச்.ராஜா கலந்துகொண்டார். அதனைத் பின்னர் செய்தியாளர்களைச் சந்தித்த அவர் கூறியதாவது: ஹிந்து தர்மத்துக்கு தொண்டுதொட்டு வழங்கிவரும் பேர் சனாதன தர்மம். சனாதன தர்மம் என்பது நிலையானது. தாய், சகோதரி, மனைவி ஆகிய உறவுகள் நிலையானது. இதை எப்படி மாற்ற முடியும். திராவிடர்கள் அடிமுட்டாள்கள் என்பது இதன்மூலம் நிரூபணம் ஆகிறது. 

சனாதன தர்மம் 15000 ஆண்டுகளுக்கு முந்தையது என ஜெர்மானிய ஆய்வாளர் மேக்ஸ்மூல் தெரிவித்துள்ளார். வள்ளுவர் சொன்னதைத் தான் உதயநிதி சொல்லியிருப்பதாக கவிஞர் வைரமுத்து கூறியுள்ளார். செய்யும் தொழில் அடிப்படையில் வேற்றுமை இல்லை என்பதை செய்தொழில் வேற்றுமை யான் என வள்ளுவரும், கண்ணபிரான் செய்யும் தொழிலின் அடிப்படையில் தான் 4 வர்ணங்களை உருவாக்கியுள்ளதாக கூறியுள்ளனர். 

பகவத்கீதையில் சொன்ன விஷயம் எதையும் வள்ளுவர் விடவில்லை. வைரமுத்து படிப்பறிவில்லாதவர். இவருக்கு தெரிந்ததையெல்லாம் பாடகி சின்மயி மீ2வில் கூறிவிட்டார். வைரமுத்து ஆண்டாள் குறித்து தினமணி நாளிதழில் அருவெருக்கத்தக்க வார்த்தையில் பேசிய பண்பற்ற நபர். சனாதன இந்து தர்மத்தை இழிவுபடுத்துகிற கும்பல் வேரோடும், வேரடி மண்ணோடும் களையப்பட வேண்டும். இதனை பாஜக மட்டும் சொல்லவில்லை. ஆந்திர முதல்வர், மம்தா பானர்ஜி, கெஜ்ரிவால், சிவசேனா உள்ளிட்ட இந்தியா கூட்டணி கட்சிகளே எதிர்ப்பு தெரிவித்துள்ளன. 

இதேபோன்ற சந்தர்ப்பவாதிகள் கூட்டணி சேர்ந்தாலும் உருப்படாது. பாஜகவினர், இந்து அமைப்பினர் அனைவரும் அனைத்து காவல் நிலையங்களிலும் உதயநிதி ஸ்டாலினுக்கு எதிராக புகார் மனு அளிக்க வேண்டும். உதயநிதி ஸ்டாலின் இது தேர்தல் நேரம் என்பதால் 8 மாதங்கள் ஏதும் பேசாமல் இருந்திருக்க வேண்டும். மலேரியா, டெங்கு போன்று அழித்துவிடுவேன் என்று இந்துவை இனப்படுகொலை செய்வேன் என அவர் சொன்னதை வீடுவீடாக பிரச்சாரம் செய்வோம். அழிக்கப்பட வேண்டிய கும்பல் இந்த திராவிட இயக்கங்கள். உதயநிதியின் படம் சாமியாரின் கைகளுக்கு எப்படி சென்றது. நீங்கள் என்ன மார்பிங் செய்தீர்களோ யாருக்குத் தெரியும்? ஒரே நாடு, ஒரே தேர்தல் கொண்டுவரப்போகிறோம் என பாரத பிரமரோ, அல்லது வேறு யாருமோ தற்போது தெரிவிக்கவில்லை. 

பாஜக - அதிமுக உறவு கணவன், மனைவி உறவு போன்றது. அதனை தினமும் கூறத் தேவையில்லை. 19 ஆண்டுகளாக குடியிருந்த வீட்டுக்கு வாடகையே கொடுக்காத பிராடு சீமான் என்று அவர் கூறினார். பத்திகையாளர் சந்திப்பு எச்.ராஜா பேசிக்கொண்டு இருக்கையில்  திடீரென மின்சாரம்  தடைபட்டது. இதில் திமுக சதி ஏதேனும் உள்ளதா? என நகைச்சுவை கேள்வி எழுப்பி பேச்சை  தொடர்ந்தார். இந்நிகழ்வில் போது, பாரதிய ஜனதா கட்சி மாவட்ட தலைவர் அகோரம், மத்திய அரசு வழக்கறிஞர் ராஜேந்திரன் உள்ளிட்ட பல நிர்வாகிகள் உடன் இருந்தனர்.