வேலைவாய்ப்பற்ற இளைஞர்களே.... மே 30 கடைசி நாள்.. எதற்கு தெரியுமா?

மயிலாடுதுறையில் வேலைவாய்ப்பற்ற இளைஞர்களுக்கான உதவித்தொகைக்காக விண்ணப்பிக்க மே 30 கடைசி நாள் என தெரிவிக்கப்பட்டுள்ளது.

மாவட்ட ஆட்சியர் அலுவலகம் மற்றும் ஆட்சியர்

Source : ABP

மயிலாடுதுறை மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் பதிவுசெய்துள்ள வேலைவாய்ப்பற்ற இளைஞர்களுக்கான உதவித் தொகை வழங்கும் திட்டத்தின் கீழ் பயன்பெற தகுதியுடையவர்கள் விண்ணப்பிக்கலாம் என மாவட்ட ஆட்சியர் ஹெச்.எஸ்.ஸ்ரீகாந்த் தெரிவித்துள்ளார்.

விண்ணப்பத்திற்கான தகுதிகள்

• 31.03.2025 அன்றைய தேதியில் ஐந்து ஆண்டுகள் முடிந்திருக்க வேண்டும்.

• முறையாக 3 ஆண்டுகளுக்கு ஒருமுறை புதுப்பித்திருக்க வேண்டும்.

• பத்தாம் வகுப்பு தேர்ச்சி பெறாத மற்றும் பத்தாம் வகுப்பு தேர்ச்சி பெற்று அல்லது மேல்நிலை வகுப்பு பட்டப்படிப்பு தேர்ச்சி பெற்ற பதிவுதாரர்கள் தகுதியானவர்கள்.

மாற்றுத்திறனாளி

• மாற்றுத்திறனாளிகளைப் பொறுத்தவரை, பத்தாம் வகுப்பு தேர்ச்சி பெறாத அல்லது பத்தாம் வகுப்பு தேர்ச்சி பெற்று அல்லது மேல்நிலை வகுப்பு மற்றும் பட்டப்படிப்பு தேர்ச்சி பெற்று பதிவு செய்து 31.03.2025 அன்றைய தேதியில் ஓராண்டு முடிந்த பதிவுதாரர்கள்.

• மாற்றுத்திறனாளிகளுக்கு வருமானம் மற்றும் வயதில் உச்ச வரம்பு ஏதுமில்லை

• பதிவுதாரர் எந்த ஒரு கல்வி நிறுவனத்திலும் பயில்பவராக இருக்கக்கூடாது.

• ஆதிதிராவிட மற்றும் பழங்குடியின பிரிவினர் 45 வயதுக்குள்ளும், இதர பிரிவினர் 40 வயதுக்குள்ளும் இருக்க வேண்டும்.

• அதிகபட்ச குடும்ப ஆண்டு வருமானம் 72,000 ரூபாய்க்கு மிகாமல் இருக்க வேண்டும்.

உதவித்தொகை விவரம்

• பொதுப்பிரிவினர்: மாதம் ஒன்றிற்கு பத்தாம் வகுப்பு தேர்ச்சியின்மை எனில் 200 ரூபாயும், பத்தாம் வகுப்பு தேர்ச்சி எனில் 300 ரூபாய், மேல்நிலை வகுப்பு தேர்ச்சி 400 ரூபாய் , பட்டப்படிப்பு தேர்ச்சி எனில் 600 ரூபாய் 3 மாதங்களுக்கு ஒருமுறை கணக்கிடப்பட்டு வங்கி கணக்கில் செலுத்தப்படும்.

• அனைத்து வகை மாற்றுத்திறனாளிக்கும் மாதம் மாதம் உதவித்தொகை 

• பத்தாம் வகுப்பு தேர்ச்சியின்மை மற்றும் பத்தாம் வகுப்பு தேர்ச்சி எனில் 600 ரூபாய் , மேல்நிலை வகுப்பு தேர்ச்சி எனில் 750 ரூபாய் , பட்டப்படிப்பு தேர்ச்சி எனில் 1000 ரூபாய் ஒவ்வொரு மாதமும் வங்கி கணக்கில் செலுத்தப்படும்.

உதவித்தொகைக்கு தகுதியற்றவர்கள்

• ஏற்கனவே மூன்றாண்டுகள் உதவித்தொகை பெற்றவர்கள்.

• பொறியியல், மருத்துவம், விவசாயம் மற்றும் சட்டம் போன்ற தொழில் சார்ந்த பட்டப் படிப்புகள் முடித்தவர்கள்.

• அரசுப்பணியில் உள்ளவரோ, தனியார் துறையில் ஒரு முறையாவது பணியில் சேர்ந்து ஊதியம் பெற்றவர்.

• கலைஞர் மகளிர் உரிமைத் தொகை பெறுபவர்கள் மற்றும் அரசின் எந்த ஒரு திட்டத்திலும் உதவித்தொகை பெறுபவர்களும் தகுதியற்றவர்கள்

தேவையான ஆவணங்கள்

• வேலைவாய்ப்பு அலுவலக அடையாள அட்டை

• பள்ளி, கல்லூரிகளின் மதிப்பெண் சான்றிதழ் மற்றும் மாற்றுச்சான்றிதழ்

• குடும்ப அட்டை

• ஆதார் அட்டை

• வங்கிக் கணக்கு புத்தகம்

•  சாதிச்சான்றிதழ்

• தேசிய மயமாக்கப்பட்ட ஏதேனும் ஒரு வங்கியில் தங்கள் பெயரிலுள்ள வங்கி கணக்குப்புத்தகம் ஆகியவற்றின் அசல் மற்றும் நகல்.

விண்ணப்பிக்கும் முறை

தகுதியுடைய பதிவுதாரர்கள், 2வது தெரு, பாலாஜி நகர், பூம்புகார் சாலை, மயிலாடுதுறை-1 என்ற முகவரியில் செயல்பட்டு வரும் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் நேரில் வருகைபுரிந்து இலவச விண்ணப்பப்படிவத்தை பெற்றுக் கொள்ளலாம். மேலும், https://tnvelaivaaippu.gov.in/download.html என்ற இணையதள பக்கத்தில் பதிவிறக்கம் செய்யும் பட்சத்தில் 04364-299790 என்ற அலுவலக தொலைபேசி எண்ணை கட்டாயம் தொடர்புகொண்டு உரிய அறிவுரை பெற்று பூர்த்தி செய்த விண்ணப்பத்தை 30.05.2025-க்குள் சமர்ப்பித்து பயன்பெறலாம் என மாவட்ட ஆட்சியர் தெரிவித்துள்ளார்.