TVK ; ”தவெக” வுக்கு கிடைத்த முதல் அங்கீகாரம்! மதுரையில் பட்டாசுகள் வெடித்து கொண்டாட்டம் !

தமிழக வெற்றிக் கழகத்தை தேர்தல் ஆணையம் அங்கீகரித்ததை தொடர்ந்து மதுரையில் பட்டாசுகள் வெடித்து கொண்டாட்டம்.

தவெக

Source : ABPLIVE AI

மதுரையில் ஆட்டோ தொழிலாளர்களுக்கு சீருடை மற்றும்  இனிப்புகள் வழங்கி தமிழக வெற்றிக் கழகத்தினர் கொண்டாட்டம்.

 

தவெகவுக்கு கிடைத்த முதல் அங்கீகாரம்:

தமிழ்நாட்டில் வருகின்ற 2026 சட்டமன்றத் தேர்தலை நோக்கிய பயணத்தை தவெக தலைவர் விஜய் மேற்கொண்டு வருகிறார். தமிழக வெற்றிக் கழகம் கட்சி கொடியை, அதன் தலைவர் விஜய் கடந்த மாதம் 22ஆம் தேதி சென்னை, பனையூரில் அறிமுகம் செய்தார். அதோடு, கட்சிப்பாடலையும் வெளியிட்டார். ஏற்கனவே, தமிழக வெற்றிக் கழகத்தை இந்திய தேர்தல் ஆணையத்திடம் அக்கட்சி பிரதிநிதிகள் பதிவு செய்துள்ளனர். இந்த நிலையில், விஜயின் கட்சியை அரசியல் கட்சியாக பதிவு செய்ய இந்திய தேர்தல் ஆணையம் அனுமதி வழங்கியுள்ளதாக தகவல்கள் வெளியாகியுள்ளன. ஆளுங்கட்சியாக உள்ள திமுக, பிரதான எதிர்க்கட்சியாக உள்ள அதிமுக, பாஜக தலைமையிலான கூட்டணி, நாம் தமிழர் என நான்கு முனை அரசியல் இருந்து வருகிறது. இப்படிப்பட்ட சூழலில், நடிகர் விஜயின் அரசியல் நுழைவு பெரும் தாக்கத்தை ஏற்படுத்தும் என எதிர்பார்க்கப்படுகிறது.

 

விஜய் போடும் மாஸ்டர் பிளான்:

வரும் 2026ஆம் ஆண்டு நடைபெறும் சட்டப்பேரவை தேர்தலில் நடிகர் விஜய், யாருடன் கூட்டணி அமைக்கப்போகிறார் என்பது மிகப்பெரிய கேள்வியாக எழுந்துள்ளது. இதற்கிடையே, தவெகாவின் முதல் மாநாட்டிற்கான இடம் தேர்வு செய்யும் பணிகள் மும்முரமாக நடைபெற்று கொண்டிருக்கிறது. திருச்சி, சேலம், தஞ்சாவூர், விக்கிரவாண்டி என பல இடங்களின் தேர்வு நடைபெறும் நிலையில், த.வெ.க., தலைமையில், பொதுமக்கள் அதிகமாக கூடுவதற்கான வசதியுள்ள இடமாகவும், தமிழகத்தின் மைய பகுதியாக இருக்க வேண்டும் என்பதில் உறுதியாக கொண்டு, ஆலோசனை செய்தனர். இதையடுத்து, விழுப்புரம் மாவட்டத்தில் உள்ள விக்கிரவாண்டியில் கட்சியின் முதல் மாநாட்டை நடத்த விஜய் தேர்வு செய்திருப்பதாக தகவல்கள் வெளியாகின. மாநாட்டை நடத்த அனுமதி கேட்டு தவெக சார்பில் அனுமதி கோரப்பட்டது. கட்சியின் முதல் மாநாடு தொடர்பான அறிவிப்பு நாளை வெளியாகும் என அரசியல் வட்டாரத்தில் பேசப்படுகிறது.

மதுரையில் கொண்டாட்டம்

 

தமிழக வெற்றி கழகத்தை தேர்தல் ஆணையம் அங்கீகரித்ததாக அக்கட்சியினுடைய தலைவர் விஜய் அதிகாரப்பூர்வ அறிவிப்பை இன்று காலை 11 மணியளவில் தனது எக்ஸ் தள பக்கத்தில் வெளியிட்டிருந்தார். இதனை வரவேற்கும் விதமாக தமிழ்நாடு முழுவதும் உள்ள தமிழக வெற்றிக் கழகத்தினுடைய நிர்வாகிகள் மற்றும் உறுப்பினர்கள் பட்டாசு வெடித்தும் இனிப்புகள் வழங்கி கொண்டாடி வருகின்றனர். அந்த வகையில், மதுரை கோரிப்பாளையம் பகுதியில் மதுரை வடக்கு மாவட்ட தலைவர் விஜய் அன்பன் கல்லணை தலைமையில் அப்பகுதியில் உள்ள ஆட்டோ ஓட்டுநர்களுக்கு சீருடை வழங்கியும், வியாபாரிகள் பொதுமக்களுக்கு இனிப்புகள் வழங்கியும் தங்களது கொண்டாட்டத்தை வெளிப்படுத்தினர். மேலும் தமிழக வெற்றிக் கழகத்தை தேர்தல் ஆணையம் அங்கீகரித்துள்ளது உங்கள் ஆதரவை 2026 தேர்தலில் தரும்படி பொதுமக்களிடம் கேட்டுக்கொண்டனர்.

 

இதைப் படிக்க மிஸ் பண்ணாதீங்க பாஸ் - Watch Video: "குமரிப்பெண்ணின் உள்ளத்திலே" எம்.ஜி.ஆர். பாடலைப் பாடி அசத்திய முன்னாள் அமைச்சர் ஜெயக்குமார்!

 

இதைப் படிக்க மிஸ் பண்ணாதீங்க பாஸ் - Deepika Ranveer Baby:வா.. வா.. என் தேவதையே.. மகளை வரவேற்றனர் தீபிகா, ரன்வீர் ஜோடி!