தேனி: அதிர்ச்சி! வரைவு வாக்காளர் பட்டியலில் இத்தனை லட்சம் பேர் நீக்கம்! ஆட்சியர் வெளியிட்ட பரபரப்பு தகவல்!
தேனி மாவட்டத்தில் வரைவு வாக்காளர் வெளியீட்டிற்கு பிறகு 1,25,739 வாக்காளர்களின் வாக்குகள் நீக்கப்பட்டுள்ளது என தேனி மாவட்ட ஆட்சியர் ரஞ்சித் சிங் தெரிவித்துள்ளார்.
தமிழ்நாட்டில் வரும் 2026-ம் ஆண்டு நடைபெற உள்ள சட்டமன்ற தேர்தலை முன்னிட்டு, தேர்தல் ஆணையத்தால் SIR பணிகள் மேற்கொள்ளப்பட்டன. இதற்காக, நவம்பர் மாத தொடக்கத்தில் இருந்து, தமிழ்நாடு முழுவதும் வீடு, வீடாக சென்ற வாக்கு மைய நிலை அலுவலர்கள், விண்ணப்ப படிவங்களை வழங்கினர். அந்த விண்ணப்பப் படிவங்களை பூர்த்தி செய்து திருப்பி வழங்குவதற்கான கால அவகாசம், டிசம்பர் 4-ம் தேதி என அறிவிக்கப்பட்டுட்டிருந்தது.
பின்னர், கால அவகாசம் டிசம்பர் 11-ம் தேதி வரை நீட்டிக்கப்பட்டது. தொடர்ந்து, அவகாசம் மேலும் 3 நாட்கள் நீட்டிக்கப்பட்டு, டிசம்பர் 14-ம் தேதி இறுதி நாளாக அறிவிக்கப்பட்டது. அதன்பின்னர், டிசம்பர் 19-ம் தேதி வரைவு வாக்காளர் பட்டியல் வெளியிடப்படும் என்றும் அறிவிப்பு வெளியிடப்பட்டது.
தேனி மாவட்டத்தில் வரைவு வாக்காளர் பட்டியலை தேனி மாவட்ட ஆட்சியர் அலுவலகத்தில், தேனி மாவட்ட ஆட்சியர் ரஞ்சித் சிங் வெளியிட்டார். இந்திய தேர்தல் ஆணையத்தின் உத்தரவுப்படி தேனி மாவட்டத்தில் வாக்காளர் சிறப்பு தீவிர திருத்த பணிகள் நடைபெற்று முடிந்த நிலையில், தேனி மாவட்டத்தில் உள்ள பெரியகுளம், போடி கம்பம், ஆண்டிபட்டி உள்ளிட்ட நான்கு சட்டமன்ற தொகுதிகளின் வரைவு வாக்காளர் பட்டியலில் அனைத்துக் அரசியல் கட்சியினர் முன்னிலையில் தேனி மாவட்ட ஆட்சியர் ரஞ்சித் சிங் வெளியிட்டார்.
ஆண்டிப்பட்டி சட்டமன்ற தொகுதியில் 1,22,051 ஆண் வாக்காளர்களும், 1,26,955 பெண் வாக்காளர்களும், மூன்றாம் பாலினத்தவர் 29 வாக்காளர்களும், என மொத்தம் 2,49,035 வாக்காளர்கள் இருக்கின்றனர். பெரியகுளம் சட்டமன்றத் தொகுதியில் 1,24,819 ஆண் வாக்காளர்களும், 1,31,065 பெண் வாக்காளர்களும், 97 மூன்றாம் பாலினத்தவர்களும் என மொத்தம் 2,55,981 வாக்காளர்கள் இருக்கின்றன. போடிநாயக்கனூர் சட்டமன்றத் தொகுதியில் 1,22,821 ஆண் வாக்காளர்களும், 1,30,130 பெண் வாக்காளர்களும், 13 மூன்றாம் பாலினத்தவர்களும் என மொத்தம் 2,55,981 வாக்காளர்கள் இருக்கின்றன.
கம்பம் சட்டமன்ற தொகுதியில் 1,19,271 ஆண் வாக்காளர்களும், 1,27,290 பெண் வாக்காளர்களும், 23 மூன்றாம் பாலினத்தவர்களும் என மொத்தம் 2,46,584 வாக்காளர்கள் இருக்கின்றன. தேனி மாவட்டத்தில் உள்ள நான்கு சட்டமன்ற தொகுதிகளில் மொத்தம் 4,88,962 ஆண் வாக்காளர்களும், 5,15,440 பெண் வாக்காளர்களும், 163 மூன்றாம் பாலினத்தவர்களும் என மொத்தம் 10,04,564 வாக்காளர்கள் இருக்கின்றன. இந்திய தேர்தல் ஆணையத்தின் வாக்காளர் சிறப்பு தீவிர திருத்தத்திற்கு முன்பு தேனி மாவட்டத்தில் 11,30,303 வாக்காளர்கள் இருந்த நிலையில் தற்போது வரைவு வாக்காளர் வெளியிட்டுள்ள நிலையில் 10,04,564 வாக்காளர்கள் இருக்கின்றனர். இதன் மூலம் தேனி மாவட்டத்தில் வரைவு வாக்காளர் வெளியீட்டிற்கு பிறகு 1,25,739 வாக்காளர்களின் வாக்குகள் நீக்கப்பட்டுள்ளது என தேனி மாவட்ட ஆட்சியர் ரஞ்சித் சிங் தெரிவித்துள்ளார்.
தலைப்பு செய்திகள்
ட்ரெண்டிங் செய்திகள்
