சதுரகிரி கோயிலுக்கு சென்ற பக்தர்கள் காட்டாற்று வெள்ளத்தில் சிக்கினர் - தேனியில் பரபரப்பு
சதுரகிரி கோயிலுக்கு சென்று வரும் வழியில் காட்டாற்று வெள்ளத்தில் சிக்கிய 200 க்கும் மேற்பட்டோரை போலீசார், தீயணைப்புதுறையினர் பத்திரமாக மீட்டனர்.
விருதுநகர் மாவட்டம் ஸ்ரீவில்லிபுத்தூர் அருகே மேற்கு தொடர்ச்சி மலை பகுதியில், தரை மட்டத்திலிருந்து சுமார் 4,500 அடி உயரத்தில் அமைந்துள்ளது பிரசித்தி பெற்ற சதுரகிரி சுந்தர மகாலிங்கம் கோவில். இந்த கோயிலுக்கு மாதந்தோறும் அமாவாசையை ஒட்டி 4 நாட்கள், பௌர்ணமியை ஒட்டி 4 நாட்கள் என மொத்தம் 8 நாட்கள் மட்டுமே பக்தர்கள் கோவிலுக்கு செல்ல அனுமதிக்கப்படுவார்கள்.
ஓபிஎஸ் வீட்டை சூறையாட வேட்டி கட்டிய ஆம்பளையாக இருந்தால் வந்து பார்க்கட்டும் - சையது கான் சவால்
இந்த கோவிலில் வருடம் தோறும் ஆடி அமாவாசை திருவிழா வெகு விமரிசையாக கொண்டாடப்படுவது வழக்கம். கடந்த சில ஆண்டுகளாக கொரோனா தொற்று காரணமாக ஆடி அமாவாசை திருவிழாவிற்கு அனுமதி வழங்கப்படவில்லை. ஆனால், இந்த ஆண்டு ஆடி அமாவாசை திருவிழாவிற்கு பல்வேறு கட்டுப்பாடுகளுடன் கடந்த 25 ஆம் தேதி முதல் வரும் 30ஆம் தேதி வரை 6 நாட்கள் சதுரகிரி சுந்தரமகாலிங்கம் கோவிலுக்கு பக்தர்கள் செல்ல மாவட்ட நிர்வாகம் சார்பில் அனுமதி வழங்கப்பட்டது.
இந்த நிலையில் பக்தர்கள் கோயிலுக்கு சென்று வந்தனர். கோயிலுக்கு செல்வதற்கான தேனி மாவட்டத்தில் உள்ள உப்புத் துறை மலைப்பாதை வழியாகவும் அனுமதி அளிக்கப்பட்டது. ஆயிரக்கணக்கான பக்தர்கள் நேற்று சென்று வந்த நிலையில் நள்ளிரவில் வரும் வழியில் உள்ள யானைக்கஜம் அருகில் தொடர் மழை காரணமாக ஏற்பட்ட வெள்ளப்பெருக்கில் காற்றாற்று வெள்ளம் ஏற்பட்டு அதில் அருவிக்கு அந்த பக்கமாக 200க்கும் மேற்பட்ட பக்தர்கள் சிக்கிக்கொண்டனர். பக்தர்கள் சத்தமிட்டதை பார்த்த பாதுகாப்பு பணியில் இருந்த போலீசார் மயிலாடும்பாறை தீயணைப்பு துறையினருக்கு தகவல் கொடுத்தனர்.
இதை அடுத்து கயிற்றின் மூலம் போலீசாரும் தீயணைப்பு துறையினரும் இணைந்து 200க்கும் மேற்பட்ட பக்தர்களை பாதுகாப்பாக மீட்டு அவர்களது வீடுகளுக்கு அனுப்பி வைத்தனர். திடீரென ஏற்பட்ட காற்றாற்று வெள்ளத்தில் 200க்கும் மேற்பட்ட பக்தர்கள் சிக்கிக்கொண்ட சம்பவத்தால் பரபரப்பு ஏற்பட்டது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
