எக்கால சூழ்நிலைக்கு ஏற்றவாறு விலையும் பன்னீர் திராட்சை விலை அதிகரிப்பு - காரணம் என்ன?
கடந்த சில நாட்களாக பெய்த மழை காரணமாக கருப்பு பன்னீர் திராட்சை பழத்திற்கு போதிய விலை கிடைக்கவில்லை எனவும் தற்போது மழை இல்லாததால் திராட்சை விலை கிலோவிற்கு ரூ. 30 வரையில் விலை உயர்ந்துள்ளது.
தமிழக கேரள எல்லையை இணைக்கும் முக்கிய மாவட்டமான தேனி மாவட்டத்தில் நெல், திராட்சை, தென்னை, வாழை என அதிக அளவில் விவசாயம் செய்யப்பட்டு வரும் வேளாண் பகுதியாக விளங்குகிறது. கம்பமும் அதன் சுற்றுவட்டார பகுதிகளான கூடலூர், சுருளிப்பட்டி, காமய கவுண்டன்பட்டி உள்ளிட்ட பல்வேறு கிராமப்புற பகுதிகளில் மட்டும் இல்லாமல் மேற்கு தொடர்ச்சி மலை அடிவாரத்தில் எந்த கால சூழ்நிலைக்கு ஏற்றவாறு விளையும் மருத்துவ குணங்கள் அடங்கிய கருப்பு பன்னீர் திராட்சை சுமார் 10 ஆயிரம் ஏக்கருக்கு மேலான பகுதிகளில் அதிகளவில் விவசாயம் செய்யப்பட்டு வருகிறது.
இந்த பகுதியில் விளையும் கருப்பு பன்னீர் திராட்சை மதுரை, திண்டுக்கல் உட்பட பல்வேறு மாவட்டங்களுக்கு ஏற்றுமதி செய்யப்பட்டு அதிக அளவில் விற்பனை செய்யப்பட்டு வருகிறது. குறிப்பாக தமிழக , கேரள எல்லையை ஒட்டியுள்ள பகுதியாக இருப்பதால், அதிக அளவில் கேரளாவுக்கு திராட்சை ஏற்றுமதியும் செய்யப்பட்டு வருகிறது.
மாண்டஸ் புயல் காரணமாகவும் சென்ற மாதங்களில் பெய்த கனமழையாலும் திராட்சை விலை வீழ்ச்சி அடைந்துள்ளது. சென்ற மாதங்களில் ஒரு கிலோ திராட்சை ரூ.15-க்கு விற்பனை செய்யப்பட்டது. இந்த நிலையில் நேற்று கருப்பு பன்னீர் திராட்சை ஒரு கிலோ ரூ.30-க்கு விற்பனை செய்யப்பட்டது. இதுகுறித்து விவசாயிகள் கூறும்போது, கடந்த சில நாட்களாக பெய்த மழை காரணமாக திராட்சை பழத்துக்கு போதிய விலை கிடைக்கவில்லை எனவும் தற்போது மழை இல்லாததால் திராட்சை பழ விலை உயர்ந்துள்ளது என்றனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
Before You Go
Vanni Arasu Slams DMK :”எலும்பு எல்லாருக்கும் இருக்குஞாபகம் வச்சுக்கோங்க” இறங்கி அடித்த வன்னி அரசு
தலைப்பு செய்திகள்
ட்ரெண்டிங் செய்திகள்
