Jallikkattu: ஜல்லிக்கட்டுக்கு இப்போதே தயாராகும் மதுரை..! வைகை ஆற்றில் காளைகளுக்கு தீவிர பயிற்சி..
தமிழர் திருநாளாம் பொங்கலுக்கு இன்னும் 50 நாட்களே உள்ள நிலையில் மதுரை வைகை ஆற்றில் ஜல்லிக்கட்டு காளைக்கு மூச்சு பயிற்சி அளித்து தயார் செய்து வருகின்றனர்
தமிழர்களின் வீர விளையாட்டான ஜல்லிக்கட்டு ஆண்டு தோறும் தைப்பொங்கல் திருநாளை முன்னிட்டு மதுரை, திண்டுக்கல், சிவகங்கை, தேனி, புதுக்கோட்டை உள்ளிட்ட மாவட்டங்களில் வெகு விமர்சையாக நடைபெறும். குறிப்பாக அவனியாபுரம், பாலமேடு, அலங்காநல்லூர் ஜல்லிக்கட்டு போட்டிகள் தமிழகத்தில் மிகவும் முக்கியமானது.
#madurai | தமிழர் திருநாளாம் பொங்கலுக்கு இன்னும் 50 நாட்களே உள்ள நிலையில் மதுரை வைகை ஆற்றில் ஜல்லிக்கட்டு காளைக்கு மூச்சு பயிற்சி அளித்து தயார் செய்து வருகின்றனர்.
— arunchinna (@arunreporter92) November 20, 2022
| @GoodSnake_offl | @SRajaJourno
| @johnraja303 | @Bacteria_Offl | @dmkdhatchana007 | @vanam_offcl | #vaikai |•• pic.twitter.com/B0wo5Yio6s
ஜல்லிக்கட்டு போட்டியில் மல்லுக்கட்ட காளைகளை உரிமையாளர்கள் தயார்படுத்தி வருகின்றனர். தங்களது காளைகளுக்கு சீறிப்பாயுதல், வீரர்களுக்கு போக்கு காட்டுதல், மண்குவியலை குத்துதல், நீச்சல் பயிற்சி, மூச்சு பயிற்சி உள்ளிட்ட பல்வேறு பயிற்சிகளை உரிமையாளர்கள் அளிக்க தொடங்கியுள்ளனர்.
மேலும் ஜல்லிக்கட்டு போட்டியை முன்னிட்டு காளைகளுக்கு உணவில் தொடங்கி பயிற்சி வரை அனைத்திலும் சிறப்பு கவனம் செலுத்தப்படும். வாடிவாசலில் இருந்து வெளியேறும்போது காளைகள், காலை எடுக்கும் வேகம்தான் மாடுபிடி வீரர்களிடம் பிடிபடாமல் ஓடுவதற்கு உதவும்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
