மீனாட்சியம்மன் கோயில் யானை உடல்நிலை வேகமாக சீராகி வருகிறது - நிதியமைச்சர் பழனிவேல் தியாகராஜன்

பார்வதி யானை பராமரிக்கப்படும் இடத்தில் புறாக்கள் அமராமல் தடுக்க அமைச்சர் பழனிவேல்தியாகராஜன் ஆலோசனையின் பேரில் ஸ்பைக் அமைக்கப்பட்டுள்ளது.

பார்வதி யானை

உலக பிரசித்தி பெற்ற மதுரை மீனாட்சி அம்மன் கோயிலில் ஆண்டு முழுவதும் விழாக்கள் நடைபெறும். சித்திரைத் திருவிழாவில் சுவாமி புறப்பாடுக்கு முன் ஆட்டம், பாட்டம் கொண்டாட்டமாக இருக்கும். டங்கா மாடு, யானை, குதிரை, ஒட்டகம் என்று விலங்குகள் சில குழந்தைகள் உற்சாகப்படுத்தும்.  இதற்காக அருணாச்சலப் பிரதேசத்தில் இருந்து 'பார்வதி' என்ற சுமார் 26 வயதுடைய பெண் யானை ஒன்று கோயிலில் வளர்க்கப்பட்டு வருகிறது. கடந்த 2000-ல் வாங்கப்பட்ட இந்த யானை கோயில் கிழக்கு ஆடி வீதியில் தனியாக அமைக்கப்பட்டுள்ள மண்டபத்தில் கவனிக்கப்பட்டு வருகிறது. இந்நிலையில் கடந்த 2015ஆம் ஆண்டு கோயில் விழாவில் பங்கேற்ற பார்வதி யானை விழாவின்போது காலில் சிறிய அளவு காயம் ஏற்பட்டது இதனையடுத்து  சிகிச்சை அளிக்கப்பட்டது. அப்போது அதிக கவனத்துடன் யானையை பராமரிக்க வேண்டும் என கால்நடை மருத்துவர்கள் மற்றும் வனத்துறையினர் அறிவுறுத்தியிருந்தனர்.

 

At the Meenakshi Amman Koil today, I spent time w the temple🐘 Parvati. Relieved she's recovering from a drug-resistant infection likely from bird droppings; I've proposed a solution to avoid pigeons nesting in her compound. My emotional bond w this gentle giant spans years🥰 pic.twitter.com/wCfoeDkZTT

— Dr P Thiaga Rajan (PTR) (@ptrmadurai) March 13, 2023

இதனிடையே கடந்த 2020 ஆம் ஆண்டு  பார்வதி யானைக்கு  இரண்டு கண்களிலும் கண்புரை ஏற்பட்டு வெண்படலம் ஏற்பட்டதன் காரணமாக முதலில் சென்னையில் உள்ள கால்நடை மருத்துவக்குழுவினர் பரிசோதனை செய்த பின்னர் தாய்லாந்து மருத்துவகுழுவினா் கோயிலுக்கு அழைத்துவரப்பட்டு யானையை நேரடியாக பரிசோதனை செய்து சிகிச்சை அளித்தனர்.  இதனை தொடர்ந்து யானையின் உடல்நலன் குறித்து காணொளி மூலமாகவும் ஆலோசனைகளை அளித்து வருகின்றனர். இதனிடையே கோயில் யானை பார்வதிக்கு தற்போது மீண்டும் உடல்நலக்குறைவு ஏற்பட்டு சிகிச்சை அளிக்கப்பட்டது.  இந்நிலையில்  கோயில் யானை பார்வதியின் உடல்நிலை வேகமாக சீராகி வருவதாக  நிதியமைச்சர் பழனிவேல் தியாகராஜன் தகவல் தெரிவித்துள்ளார்.

 

 

மதுரை மீனாட்சியம்மன் கோவிலுக்கு சாமி தரிசனம் செய்ய சென்ற நிதியமைச்சர் பழனிவேல் தியாகராஜன் யானை பார்வதியை நேரில் பார்த்து, யானை பாகன் மற்றும் கோயில் அதிகாரிகளிடம் உடல்நலம்குறித்து கேட்டறிந்துள்ளார். இதுகுறித்து தனது முகநூல் பக்கத்தில் பதிவிட்டுள்ள நிதியமைச்சர், யானை பார்வதி புறாக்களின் எச்சத்தால் ஏற்பட்ட தொற்று காரணமாக உடல்நலக்குறைவால் பாதிக்கப்பட்டதாகவும், தற்போது யானை பார்வதி வேகமாக தேறி வருவதாகவும் தகவல் தெரிவித்துள்ளார். தொடர்ந்து யானை பார்வதி பராமரிக்கப்படும் இடத்தில் புறாக்கள் அமராமல் தடுக்க அமைச்சர் பழனிவேல்தியாகராஜன் ஆலோசனையின் பேரில் ஸ்பைக் அமைக்கப்பட்டுள்ளது.

---

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண