வைகை ஆற்றில் வெள்ள அபாய எச்சரிக்கையை மீறி குளித்த சிறுவர்கள் - எச்சரித்த போலீஸ்

வைகை ஆற்றில் வெள்ள அபாய எச்சரிக்கை மீறி ஆபத்தான முறையில் ஆற்றில் குளித்த சிறுவர்கள் மற்றும் தண்ணீரில் சிக்க திணறிய இளைஞர்களை எச்சரித்து காவல்துறையினர் வீட்டுக்கு அனுப்பி வைத்தனர்.

வைகையில் தண்ணீர் மிகுந்து போகும் காட்சி

தூண்டிலில் 100கிராம் முதல் 500 கிராம் எடை அளவுல்ல மீன்களும் தூண்டிலில் சிக்குவதால் மகிழ்ச்சியுடன் மீன்களை பிடித்துச் செல்கின்றனர்.

வைகை ஆற்றில் வெள்ளம்

 

வைகை பாசன விவசாயத்திற்காக ராமநாதபுரம் உள்ளிட்ட 5 மாவட்ட பாசன தேவைக்காக தேனி மாவட்டம் வைகை அணையில் இருந்து கடந்த 10-ம் தேதி முதல் 3000 கன அடி நீரானது திறக்கப்பட்டுள்ள, நிலையில் நாளை வரை தண்ணீர் திறக்கப்படவுள்ளது. இந்த சூழலில் 3-வது நாளாக இன்று மதுரை வைகை ஆற்றில் முழுவதில் வெள்ளப்பெருக்கு ஏற்பட்டுள்ள நிலையில் யானைக்கல் தடுப்பணை பகுதியில் வெள்ள நீர் சூழ்ந்து காணப்படும் நிலையில் அதில் ஆபத்தை உணராமல் ஏராளமான பள்ளிச் சிறுவர்கள், இளைஞர்கள் குதித்து குளித்து விளையாடினர்.

 

காவல்துறை எச்சரிக்கை

 

அப்போது ஒரு சில இளைஞர்கள் நீச்சல் தெரியாமல் தடுப்பணை தண்ணீரில் சிக்கி தவித்தனர். இதையடுத்து அருகில் இருந்த மற்ற நண்பர்கள் அவருக்கு உதவினர். இதனிடையே வைகை ஆற்று பகுதிக்கு  வந்த செல்லூர் பகுதி காவல்துறையினர் எச்சரிக்கையை மீறி ஆற்றில் குளித்துக் கொண்டிருந்த இளைஞர்களையும், சிறுவர்களையும் எச்சரித்து அறிவுரை வழங்கி அனுப்பிவைத்தனர். தொடர்ச்சியாக வெள்ளநீர் பெருக்கெடுத்து ஓடும் பகுதியில் பொதுமக்கள் அலட்சியமாக செல்பி எடுத்துக் கொண்ட நிலையில், அதனை கண்ட காவல்துறையினர் தொடர்ந்து வெள்ள அபாய எச்சரிக்கை குறித்து அறிவுறுத்தல் வழங்கினர்.

 

தூண்டிலில் சிக்கிய மீன்கள்

நீண்ட நாட்களுக்கு பின்பு வைகையாற்றில் வெள்ளநீர் பெருக்கெடுத்து ஓடும் நிலையில் ஏராளமான பொதுமக்கள் யானைக்கல் தடுப்பணையில் தூண்டில் மூலமாக மீன்களை பிடித்து வருகின்றனர். அப்போது ஏராளமானோருக்கு தூண்டிலில் பெரிய அளவிலான கெண்டை மீன்கள் சிக்குவதால் அதிகளவில் மீன்களை பிடித்து சாக்குமூட்டைகளில் எடுத்துச் செல்கின்றனர். இதே போல ஆற்றுபகுதிகளில் கரைகளை ஒட்டி ஏராளமானோர் தூண்டிலில் மீன்பிடித்துவரும் நிலையில் தூண்டில் போட்டவுடன் மீன் சிக்குவதால் அதிகளவில் மீன்களை பிடித்துவருகின்றனர்.  தூண்டிலில் 100 கிராம் முதல் 500 கிராம் எடை அளவுல்ல மீன்களும் தூண்டிலில் சிக்குவதால் மகிழ்ச்சியுடன் மீன்களை பிடித்துச் செல்கின்றனர். இதனைத் தொடர்ந்து அந்த பகுதியில் ஆழமான தண்ணீர் செல்லக்கூடிய பகுதியில் எச்சரிக்கையை மீறி மீன்பிடித்துக் கொண்டிருந்த பொதுமக்களையும் காவல்துறையினர் வெளியேற்றினர்.

இதைப் படிக்க மிஸ் பண்ணாதீங்க பாஸ் - இன்ஸ்பெக்டர் வீட்டிலே கைவரிசை! 250 சவரன் நகைகள், 5 லட்சம் பணம் கொள்ளை - மதுரையில் பரபரப்பு

மேலும் செய்திகள் படிக்க இங்கே கிளிக் செய்யவும் - Madurai: 5 அடி உயர தண்ணீரில் சிக்கி தவித்த பார்வையற்றவர்கள் பாடல் குழு! மதுரையில் பரபரப்பு!