அறிக்கை தாக்கல் செய்யாவிட்டால் சுங்கவரி வசூலிக்க தடை - நெடுஞ்சாலைத்துறைக்கு நீதிமன்றம் எச்சரிக்கை

’’திருநெல்வேலி - மதுரை தேசிய நெடுஞ்சாலை பராமரிக்கப்படாமல் தரமற்ற முறையில் இருப்பதாக மதுரை உயர்நீதிமன்றத்தில் வழக்கு’’

சுங்கச்சாவடி - கோப்புபடம்

நெல்லை மாவட்டத்தைச் சேர்ந்த கோவிந்த் உயர்நீதிமன்ற மதுரைக்கிளையில்  பொதுநல மனுவினைத் தாக்கல் செய்திருந்தார்.  அதில், "திருநெல்வேலி-மதுரை இடையே உள்ள 4 வழி தேசிய நெடுஞ்சாலையில் சுமார் 3 சுங்கச்சாவடிகள் உள்ளன. இதில் திருநெல்வேலியில் இருந்து மதுரை செல்வதற்கு ஒரு வழி கட்டணமாக ரூபாய் 275 வசூலிக்கப்படுகிறது.  

 

ஆனால், இந்த 4 வழி தேசிய நெடுஞ்சாலையில் பல இடங்களில் சாலைகள் சேதமடைந்தும், பாலங்கள் பராமரிப்பு வேலைகள் நடைபெறுக்கிறது மேலும் சாலை ஓரங்களில் வெள்ளை கொடு போடப்படவில்லை, ஒளிரும் ஸ்டிக்கர்களும் ஒட்டப்படவில்லை. இதனால் வாகன ஓட்டிகள் பெரும் சிரமத்திற்கு உள்ளாகிறார்கள் மேலும் திருநெல்வேலி - மதுரை இடையே உள்ள 4 வழி தேசிய நெடுஞ்சாலையில் அதிகபடியாக விபத்துக்கள் ஏற்படுகிறது. சாலைகள் பராமரிப்பு பணிகள் மேற்கொள்வதால் பல கிலோமீட்டர் தூரம் நான்கு வழிச்சாலை இரண்டு வழி சாலையாக மாற்றி உள்ளனர்.

 

நிலமோசடி புகாரில் சிக்கிய பெண் காவலர் - வழக்கை ரத்து செய்ய மதுரை உயர்நீதிமன்றம் மறுப்பு

 

 

நீராதாரத்திற்காக வெட்டப்பட்ட கி.பி.9ஆம் நூற்றாண்டு கல்வெட்டு புதுக்கோட்டையில் கண்டுபிடிப்பு

இதனால், பெரும் போக்குவரத்து நெரிசல் ஏற்படுகிறது. எனவே நெல்லை - மதுரை தேசிய நெடுஞ்சாலையில் பராமரிப்பு பணிகள் நடைபெறும் வரை சுங்கச்சாவடிகளில் வரி வசூல் செய்வதை நிறுத்தி வைக்க உத்தரவிட வேண்டும்." என கூறியிருந்தார். இந்த மனுவை விசாரித்த நீதிபதிகள் புஷபா சத்யநாராயனா, வேல்முருகன் அமர்வு 2 வாரத்திற்குள், வழக்கு குறித்து தேசிய நெடுச்சாலை துறை தலைவர் முறையாக பதில்மனு தாக்கல் செய்ய வேண்டும் அவ்வாறு செய்யத் தவறினால் சுங்கச்சாவடியில் வரி வசூல் செய்வதற்கு தடை விதிக்க நேரிடும் எனக்கூறி வழக்கை 2 வாரங்களுக்கு ஒத்திவைத்து உத்தரவிட்டனர்.

இரட்டை சதத்தை நோக்கி செல்லும் தக்காளி விலை - தத்தளிக்கும் நெல்லை மக்கள்