கோவிலின் பெயரில் தனிநபர்கள் இணையதளத்தை நடத்துவது தவறு - மதுரை உயர்நீதிமன்றம்
கோவிலின் பெயரில் தனிநபர்கள் இணையதளத்தை நடத்துவது தவறு. ஆகவே அது போன்ற இணையதளங்கள் உடனடியாக முடக்கப்பட வேண்டும்.
மதுரையைச் சேர்ந்த விஸ்வநாதன் உயர்நீதிமன்ற மதுரைக் கிளை பொதுநல வழக்கினைத் தாக்கல் செய்திருந்தார். அதில் " மதுரை மாவட்டம் ஆரப்பாளையம் ஞானவொளிபுரம் பகுதி, சர்வே எண் 967 மற்றும் 968 ஆகிய பகுதிகளில் உள்ள 4800 சதுர அடி நிலம், 1950 ஆம் ஆண்டே விளையாட்டு மைதானமாக ஒதுக்கீடு செய்யப்பட்டது. இவ்வாறு ஒதுக்கீடு செய்யப்பட்ட இடத்தில், அங்கிருக்கும் பொது மக்களுக்கான விளையாட்டு திடல் மற்றும் பூங்கா அமைக்க வேண்டும் என முடிவு செய்யப்பட்டே இடம் ஒதுக்கீடு செய்யப்பட்டது. கடந்த 72 ஆண்டுகளாக அந்த பகுதியில் விளையாட்டு மைதானத்தினை அமைத்து பராமரித்து வரும் நிலையில், அப்பகுதியில் மக்களும் இதனை பயன்படுத்தி வருகின்றனர். இந்நிலையில் மதுரை மாநகராட்சி அதிகாரிகள் விதிமுறைகளை பின்பற்றாமல், அந்த இடத்தில் தற்பொழுது கட்டிடங்கள் கட்டி வருகின்றனர். இதனை தடுக்கக்கோரி அதிகாரிகளிடம் மனு கொடுத்தும் எந்த நடவடிக்கையும் இல்லை. எனவே மதுரை ஞானவொளிபுரத்தில் விளையாட்டு மைதானத்திற்காகவென 72 ஆண்டுகளுக்கு முன் ஒதுக்கப்பட்ட இடத்தில் கட்டிடம் கட்ட அனுமதிக்க கூடாது எனவும், மதுரை மாநகராட்சி சார்பில் நடைபெற்று வரும் கட்டுமான பணிகளை உடனடியாக நிறுத்த உத்தரவிட வேண்டும்" என கூறியிருந்தார்.
இந்த வழக்கை விசாரித்த நீதிபதிகள் மகாதேவன் மற்றும் சத்யநாராயண பிரசாத் அமர்வு, 72 ஆண்டுகளாக அந்தப் பகுதி விளையாட்டு மைதானமாக பராமரிக்கப்பட்டு வருவதாக குறிப்பிடும் நிலையில், அதில் கட்டிடம் கட்டுவது தொடர்பான பிரச்சனை இது முக்கியமானதாக கருதப்படுகிறது. எனவே இந்த வழக்கு குறித்து மதுரை மாநகராட்சி ஆணையர் பதில்மனு தாக்கல் செய்ய உத்தரவிட்டும், அதுவரை கட்டுமான பணிகளை நிறுத்தி வைக்க அறிவுறுத்தியும் வழக்கு விசாரணையை ஒரு வாரத்திற்கு ஒத்திவைத்தனர்.
தலைப்பு செய்திகள்
ட்ரெண்டிங் செய்திகள்
