பேருந்தில் ஏற்ற மறுத்த நடத்துனர் - மாற்றுத்திறனாளிகள் கிரிக்கெட் அணியின் கேப்டன் சச்சின் சிவா மதுரை காவல் ஆணையரிடம் புகார்
நடத்துனர் மூலம் எந்தவித அச்சுறுத்தலும் வராத வகையில் நடத்துனரை அழைத்து அறிவுரை வழங்கப்படும் என மாநகர காவல் ஆணையர் தெரிவித்ததாக சச்சின் சிவா கூறினார்.
மதுரை அனுப்பானடி பகுதியைச் சேர்ந்த மாற்றுத்திறனாளி கிரிக்கெட் வீரர் சச்சின் சிவா என்ற சிவக்குமார். இவர் இந்திய மாற்றுத்திறனாளிகள் கிரிக்கெட் அணியின் கேப்டனாக இருந்துவருகிறார். இவர் சென்னையில் இருந்து மதுரைக்கு வருவதற்காக நேற்று இரவு சென்னை கோயம்பேடு பேருந்து நிறுத்தத்தில் SETC க்கு சொந்தமான TN01 AN3213 என்ற பதிவெண் கொண்ட கழிப்பறை வசதியுடன் கூடிய பேருந்தில் பயணிப்பதற்காக ஏறியுள்ளார். அப்போது அந்த பேருந்தின் நடத்துனர் இந்த பேருந்தில் மாற்றுத்திறனாளிகளுக்கான அனுமதி இல்லை என கூறி பேருந்தில் ஏறக்கூடாது என கூறியுள்ளார். அப்போது பதிலளித்த சச்சின் சிவா இதுபோன்ற பேருந்துகளில் பயணிக்க அனுமதி உள்ளது, என கூறியபோது மாற்றுத்திறனாளி சிவாவை பார்த்து முகத்தை உடைத்துவிடுவேன் எனக்கு எல்லாம் தெரியும் என கூறி மிரட்டல் விடுத்துள்ளார். மேலும் இதுகுறித்து கேட்டபோது அப்படித்தான் பேசுவேன் உன்னை வண்டியில் ஏற்ற முடியாது எனக்கூறி வண்டியில் ஏற்றுவதற்கு மறுத்துள்ளார்.
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
