தமிழகத்திற்கு ரூ 7,268 கோடி.. உபிக்கு எப்போவும் போல் ஜாக்பாட்தான்.. வரி பகிர்வை விடுவித்த மத்திய அரசு!

தமிழ்நாட்டுக்கு வரிப் பிகர்வாக 7,268 கோடி ரூபாயை மத்திய அரசு அளித்துள்ளது. அதிகபட்சமாக பாஜக ஆளும் உத்தரப் பிரதேசத்திற்கு 31,962 கோடி ரூபாய் வழங்கப்பட்டுள்ளது.

தமிழ்நாடு முதல்வர் - பிரதமர்

Source : Twitter

மாநிலங்களுக்கான வரிப் பகிர்வாக ரூ. 1,78,173  கோடியை மத்திய அரசு இன்று விடுவித்துள்ளது. ரூ. 89,086.50 கோடி என்னும் வழக்கமான மாதாந்திர வரிப் பகிர்வுக்குப் பதிலாக, கூடுதல் வரிப்பகிர்வு வழங்கப்பட்டுள்ளது. இதில்,  2024 அக்டோபர் மாதத்தில் விடுவிக்கப்பட வேண்டிய வழக்கமான முன்கூட்டிய தவணையும் அடங்கியுள்ளது.

தமிழ்நாட்டுக்கு எவ்வளவு நிதி வழங்கப்பட்டுள்ளது?

வரவிருக்கும் பண்டிகை காலத்தைக் கருத்தில் கொண்டும், மாநிலங்கள் மூலதனச் செலவினங்களை விரைவுபடுத்தவும், அவற்றின் வளர்ச்சி / நலத்திட்டங்களின் செலவினங்களுக்கு நிதியளிக்கவும் ஏற்றவகையில் இந்த வரிப்பகிர்வு விடுவிக்கப்பட்டுள்ளது.

அதிகபட்சமாக பாஜக ஆளும் உத்தரப் பிரதேசத்திற்கு 31,962 கோடி ரூபாய் வழங்கப்பட்டுள்ளது. அதற்கு அடுத்தபடியாக, பாஜக கூட்டணி ஆட்சி நடக்கும் பீகார் மாநிலத்திற்கு 17,921 கோடி ரூபாய் வழங்கப்பட்டுள்ளது. குறைந்தபட்சமாக, சின்ன மாநிலமான கோவாவுக்கு 688 கோடி ரூபாய் அளிக்கப்பட்டுள்ளது. இங்கும் பாஜகதான் ஆட்சி செய்கிறது.

தமிழ்நாட்டுக்கு 7,268 கோடி ரூபாய் அளிக்கப்பட்டுள்ளது. விடுவிக்கப்பட்ட தொகையின் மாநில வாரியான விவரம் கீழே உள்ள அட்டவணையில் கொடுக்கப்பட்டுள்ளது: 2024 அக்டோபர்  மாதத்திற்கான மத்திய வரிகள் மற்றும் தீர்வைகளின் மாநில வாரியான வரிப்பகிர்வு 

வரிசை எண்	மாநிலத்தின் பெயர்	மொத்தம் (கோடி ரூபாயில்)
1	ஆந்திரப் பிரதேசம்	7,211
2	அருணாச்சலப் பிரதேசம்	3,131
3	அசாம்	5,573
4	பீகார்	17,921
5	சத்தீஸ்கர்	6,070
6	கோவா	688
7	குஜராத்	6,197
8	ஹரியானா	1,947
9	இமாச்சலப் பிரதேசம்	1,479
10	ஜார்க்கண்ட்	5,892
11	கர்நாடகா	6,498
12	கேரளா	3,430
13	மத்தியப் பிரதேசம்	13,987
14	மகாராஷ்டிரா	11,255
15	மணிப்பூர்	1,276
16	மேகாலயா	1,367
17	மிசோரம்	891
18	நாகாலாந்து	1,014
19	ஒடிசா	8,068
20	பஞ்சாப்	3,220
21	ராஜஸ்தான்	10,737
22	சிக்கிம்	691
23	தமிழ்நாடு	7,268
24	தெலங்கானா	3,745
25	திரிபுரா	1,261
26	உத்தரப் பிரதேசம்	31,962
27	உத்தராகண்ட்	1,992
28	மேற்கு வங்கம்	13,404

இதையும் படிக்க: Maya Tata: ரத்தன் டாடாவின் பல்லாயிரம் கோடி ரூபாய் சாம்ராஜ்ஜியம்; டாடா குழுமத்தின் வாரிசு இவரா? யார் இந்த மாயா டாடா?