Top 10 News Headlines: தேர்தல் போட்டி-இபிஎஸ் திட்டவட்டம், 4 மாவட்டங்களில் கனமழை, இந்தியா மீது ட்ரம்ப் ஏமாற்றம் - 11 மணி செய்திகள்

Top 10 News Headlines Today Sept 8th: இந்தியா முழுவதிலும் காலை முதல் 11 மணி வரை நடைபெற்ற முக்கிய நிகழ்வுகளை தலைப்புச் செய்திகளாக தற்போது பார்க்கலாம்.

11 மணி தலைப்புச் செய்திகள்

Source : ABP

• "முதலீடுகளை ஈர்க்க சென்ற எனது வெளிநாட்டுப் பயணம் மிகப்பெரிய வெற்றி"சென்னை திரும்பிய பின் முதலமைச்சர் மு.க.ஸ்டாலின் பேட்டி
• அதிமுக செங்கோட்டையன் நீக்கம் குறித்து செய்தியாளரின் கேள்விக்கு"ஆக்கப்பூர்வமான கருத்துகளை பேசிக் கொண்டிருக்கும்போது இந்த அக்கப்போரான கேள்விகளை கேட்கிறீர்களே" என முதல்வர் பதில்
• திமுக - அதிமுக இடையேதான் போட்டி - அதிமுக பொதுச் செயலாளர் எடப்பாடி பழனிசாமி பேட்டி.
• மதிமுகவில் இருந்து மல்லை சத்யாவை நிரந்தரமாக நீக்கம் செய்து வைகோ உத்தரவு. கட்சி விரோத நடவடிக்கைகளில் ஈடுபட்டதாகக் கூறி நடவடிக்கை.
• சென்னையில் ஆபரணத் தங்கத்தின் விலை சவரனுக்கு ரூ.280 குறைந்தது. இதையடுத்து, ஒரு கிராம் ரூ.9,970-க்கும், ஒரு சவரன் ரூ.79,760-க்கும் விற்பனை செய்யப்படுகிறது.
• ஆசிரியர் தேர்வு வாரியம் நடத்தும் TET தேர்வுக்கு விண்ணப்பிக்கும் காலக்கெடு இன்று மாலை 5 மணியுடன் நிறைவு. trb.tn.gov.in என்ற முகவரியில் தேர்வுக்கு விண்ணப்பிக்கலாம். நவ.15, 16-ம் தேதிகளில் TET தேர்வு நடைபெற உள்ளது.
• தமிழ்நாட்டில் சிவகங்கை, மதுரை, தேனி, திண்டுக்கல் ஆகிய மாவட்டங்களில் இன்று கனமழை பெய்ய வாய்ப்புள்ளதாக சென்னை வானிலை ஆய்வு மையம் தகவல்.
• புதுச்சேரி மாநில பாஜக முன்னாள் தலைவர் சாமிநாதன், அக்கட்சியில் இருந்து விலகினார்.புதுச்சேரி மாநில வளர்ச்சிக்கும், மக்களுக்கும் பாடுபடுவேன் என்று அறிக்கை வெளியிட்டுள்ளார்.
• ஆசியக் கோப்பையை வென்ற இந்திய அணிக்கு பிரதமர் மோடி பாராட்டு. இந்திய ஹாக்கி மற்றும் விளையாட்டுகளுக்கு பெருமை சேர்க்கும் தருணம் என பெருமிதம்.
• ரஷ்யாவில் இருந்து இந்தியா இவ்வளவு எண்ணெய் வாங்கும் என்பதில் மிகவும் ஏமாற்றமடைந்ததாக அமெரிக்க அதிபர் ட்ரம்ப் தெரிவித்துள்ளார்.
• உக்ரைன் தலைநகர் கீவ்-வில் உள்ள அரசு கட்டடத்தின் மீது ரஷ்யா ட்ரோன் தாக்குதல். 810 ட்ரோன்களை ஏவி தாக்குதல் நடத்தியதில் 4 பேர் உயிரிழப்பு. 44 பேர் படுகாயம்.
• US ஓபன் டென்னிஸ் இறுதிப் போட்டியில் இத்தாலி வீரர் ஜன்னிக் சின்னரை வீழ்த்தி, 2-வது முறையாக சாம்பியன் பட்டத்தை தட்டிச் சென்றார் ஸ்பெயின் வீரர் கார்லோஸ் அல்காரஸ்.