Headlines Today: நேற்று நடந்தது..? இன்று நடக்க போவது..? அனைத்தையும் அறிய.. காலை 7 மணி தலைப்பு செய்திகள்..!

Headlines Today: கடந்த 24 மணி நேரத்தில் நடைபெற்ற பல்வேறு முக்கிய நிகழ்வுகளை தலைப்புச்செய்திகளாக கீழே காணலாம்.

இன்றைய தலைப்புச்செய்திகள்

• • சமூக நீதி காவலருக்கு மரியாதை; சென்னை மாநில கல்லூரி வளாகத்தில் முன்னாள் பிரதமர் வி.பி.சிங்குக்கு சிலை - முதலமைச்சர் மு.க.ஸ்டாலின் அறிவிப்பு
• இந்துகளின் வழிபாட்டு முறையை ஏற்று கோயில்களுக்கு வரும் பிற மதத்தினரை அனுமதிக்கலாம் - அமைச்சர் சேகர் பாபு
• சட்டப்படி கைது செய்வதற்கு முன்பாக அமைச்சர் செந்தில்பாலாஜியை சட்டவிரோதமாக சிறைபிடிக்கவில்லை - சென்னை உயர்நீதிமன்றத்தில் அமலாக்கத்துறை விளக்கம்
• பாட்னாவில் எதிர்க்கட்சிகள் கூட்டத்தில் முதலமைச்சர் ஸ்டாலின் பங்கேற்றதால் பெரிய மாற்றம் எதுவும் ஏற்படாது என்று முன்னாள் அமைச்சர் ஜெயக்குமார் தெரிவித்துள்ளார்.
• சர்வதேச போதை ஒழிப்பு மற்றும் சட்டவிரோத கடத்தல் தடுப்பு தினத்தையொட்டி காவலர்களுக்கு முதலமைச்சர் பதக்கம் அறிவிக்கப்பட்டுள்ளது. 
• எதிர்கட்சியை அமலாக்கத்துறை சோதனை செய்தால் திமுக சரி என்கிறது.  ஆளும் கட்சியை சோதனை செய்தால் தவறு என்கிறது - ஜி.கே.வாசன் விமர்சனம்
• தமிழ்நாட்டில் 29ம் தேதி வரை மழை பெய்ய வாய்ப்பு - வானிலை ஆய்வு மையம் தகவல்
• திருச்சி அருகே கோர விபத்து; அரசு பஸ் மீது கார் மோதல் 5 பேர் உடல் நசுங்க பலி - 43 பேர் காயம்

இந்தியா: 

• காங்கிரஸுடன் ரகசிய உறவா? பாஜக தலைமைக்கு துரோகம் செய்யமாட்டேன் - கர்நாடகா முன்னாள் முதலமைச்சர் பசவராஜ் பொம்மை பேட்டி
• இந்திய மல்யுத்த கூட்டமைப்பு தேர்தலுக்கு குவஹாத்தி உயர் நீதிமன்றம் இடைக்கால தடை விதித்துள்ளது.
• டெல்லி ரயில் நிலையில் இளம்பெண் ஒருவர் மின்கம்பத்தை பிடித்தபோது, மின்சாரம் பாய்ந்ததில் தூக்கி வீசப்பட்டு உயிரிழந்தார்.
• மேற்கு வங்க மாநிலத்தில் 2  சரக்கு ரயில்கள் மோதிக்கொண்டு கோர விபத்து ஏற்பட்டது. இதில் சரக்கு ரயில்களின் 12 பெட்டிகள் தடம்புரண்டது.
• உத்தரபிரதேச பள்ளிகளில் நாட்டின் சிறந்த தலைவர்களை கற்பிக்கும் பாடத்திட்டத்தில் நேருவிற்கு பதில் சாவர்க்கர் பற்றி பாடம் இடம்பிடித்திருப்பது பெரும் சர்ச்சையை ஏற்படுத்தியுள்ளது.

உலகம்:

• கம்போடிய நாடாளுமன்றத்தில் வரவிருக்கும் தேர்தலில் வாக்களிக்காதவர்களுக்கு அபராதம் வதிக்கும் வகையில் சட்டத்தில் திருத்தம் மேற்கொள்ளப்பட்டுள்ளது.
• 'எல் நினோ' எனும் காலநிலை மாற்ற காரணமாக கொரோனாவை விட கடுமையான வைரஸ் பாதிப்புகள் தாக்க வாய்ப்புள்ளதாக உலக சுகாதார அமைப்பு எச்சரிக்கை விடுத்துள்ளது.
• பிரதமர் மோடி தனது எகிப்து பயணித்தின் 2வது நாளான நேற்று 11ஆம் நூற்றாண்டைச் சேர்ந்த அல்-ஹகிம் மசூதிக்கு சென்றார்.
• "இந்திய பிரதமர் நரேந்திர மோடி பரிந்துரைத்த, சாட்காஸில் இருந்து சாட் மற்றும் ஜெய்ப்பூர் ஸ்வீட்ஸில் இருந்து ஜிலேபி ஆகியவற்றை சாப்பிட்டு பார்த்தோம்!," என்று அல்பானீஸ் ட்வீட் செய்துள்ளார்.
• அமைதி ஒப்பந்தத்திற்காக பெலாரஸ் செல்ல உள்ளதை தொடர்ந்து ரஷ்ய தலைநகர் மாஸ்கோவை நோக்கிச் செல்லும் நடவடிக்கையை நிறுத்துவதாக வாக்னர் கூலிப்படை அறிவித்துள்ளது.

விளையாட்டு: 

• தமிழ்நாடு பிரீமியர் லீக்கில் திண்டுக்கல் அணியை கோவை அணி 59 ரன்கள் வித்தியாசத்தில் வீழ்த்தியது.
• ஆசிய விளையாட்டுப் போட்டிகள் சீனாவின் ஹாங்சோவில் செப்டம்பர் 23 முதல் அக்டோபர் 8 வரை நடைபெற உள்ளது.
• உலகக் கோப்பை கிரிக்கெட் தகுதி சுற்றில் இலங்கை அணி அயர்லாந்தை வீழ்த்தி சூப்பர் சிக்ஸ் சுற்றுக்கு முன்னேறியது.
• உலக டேபிள் டென்னிஸ் போட்டியில் பெண்கள் இரட்டையர் பிரிவில் இந்தியாவின் சுதிர்தா - அய்ஹிகா ஜோடி சாம்பியன் பட்டம் வென்றது.