(Source: ECI | ABP NEWS)
Breaking News LIVE: தடைகளுக்கு எல்லாம் அஞ்ச மாட்டோம் - பாஜக தலைவர் அண்ணாமலை ஆவேசம்
Breaking News LIVE: நாடு முழுவதும் நடைபெறும் பல்வேறு முக்கிய நிகழ்வுகளை கீழே உடனுக்குடன் அறிந்து கொள்ளலாம்.
LIVE
Background
PM ModI Rameshwaram: ராமேஸ்வரத்தில் இருந்து தீர்த்த கலசங்களை எடுத்துக் கொண்டு, பிரதமர் மோடி இன்று டெல்லி திரும்புகிறார்.
பிரதமர் மோடி தமிழகம் வருகை:
தமிழகத்திற்கான 3 நாள் பயணமாக பிரதமர் மோடி கடந்த வெள்ளியன்று மாலை சென்னை வந்தடைந்தார். தொடர்ந்து, ஆளுநர் ரவி மற்றும் முதலமைச்சர் ஸ்டாலின் ஆகியோருடன் சேர்ந்து, கேலோ இந்தியா இளைஞர் விளையாட்டு போட்டிகளை தொடங்கி வைத்தார். இதையடுத்து, ஆளுநர் மாளிகையில் இரவு தங்கியிருந்து ஓய்வு எடுத்தார். பயணத்தின் இரண்டாவது நாளான நேற்று திருச்சிக்கு சென்ற பிரதமர் மோடி, ஸ்ரீரங்கத்தில் உள்ள பிரபல ரங்கநாதசுவாமி ஆலயத்தில் வழிபாடு நடத்தினார். இதையடுத்து தனது பயணத்தின் இறுதி அங்கமாக ராமேஸ்வரம் புறப்பட்டு சென்ற அவர், புன்னிய தீர்த்தங்களில் குளித்து அங்குள்ள ரங்கநாத சுவாமி ஆலயத்தில் இறைவழிபாடு நடத்தினார். தொடர்ந்து இன்றும் அவர் கோயிலில் வழிபாடு நடத்த உள்ளார்.
பிரதமர் மோடியின் ராமேஸ்வர பயண திட்டம்:
- நேற்றைய வழிபாட்டை தொடர்ந்து நேற்று இரவு ராமேஸ்வரத்தில் உள்ள ராமகிருஷ்ண மடத்தில் பிரதமர் மோடி தங்கியுள்ளார்
- இதையடுத்து இன்று காலை மீண்டும் ராமேஸ்வரத்தில் சுவாமி தரிசனம் செய்து விட்டு, தனுஷ்கோடி அரிச்சல்முனை கடற்கரைக்கு சென்று புனித நீராடுகிறார்
- அந்த வழியில் உள்ள கோதண்டராமர் கோயிலுக்கு காரில் சென்று தரிசனம் செய்கிறார்.
- இறுதியாக கலசத்தில் சேகரித்த 22 புனித தீர்த்தத்தை எடுத்துக் கொண்டு ராமேஸ்வரத்தில் இருந்து ஹெலிகாப்டரில் மதுரை வரும் மோடி, அங்கிருந்து விமானத்தில் டில்லி செல்கிறார்.
டெல்லி சென்றடையும் பிரதமர் மோடி நாளை அயோத்தியில் நடைபெற உள்ள ராமர் கோயில் குடமுழுக்கு விழாவிற்கு, ராமேஸ்வரத்தில் இருந்து கொண்டு செல்லப்பட்ட தீர்த்த கலசங்களை கொண்டு சேர்க்கிறார். தொடர்ந்து, குழந்தை ராமர் சிலையை கோயில் கருவறையில் பிரதிர்ஷ்டை செய்து, ஆரத்தி வழங்க உள்ளார். இதற்காக 11 நாட்களுக்கான சிறப்பு விரதத்தை பிரதமர் மோடி கடைபிடித்து வருவது குறிப்பிடத்தக்கது,
கட்டுப்பாடுகளும், பாதுகாப்பு ஏற்பாடுகளும்:
பிரதமரின் வருகையினை முன்னிட்டு ராமேஸ்வரம் தீவு மற்றும் ராமநாதசுவாமி கோயில், பிரதமர் தங்க உள்ள ராமகிருஷ்ண மடம் ஆகியவை சிறப்பு பாதுகாப்பு படையினரின் கட்டுப்பாட்டில் கொண்டுவரப்பட்டுள்ளது. அதோடு, பல்வேறு கட்டுப்பாடுகளும் விதிக்கப்பட்டுள்ளன.
- இன்று நண்பகல் 12 மணி வரை தனுஷ்கோடிக்கு போக்குவரத்து தடை செய்யப்பட்டுள்ளது.
- ராமேஸ்வரத்திற்குள் கனரக வாகனங்கள் செல்ல தடை விதிக்கப்பட்டுள்ளது.
- மீனவர்கள் மீன்பிடிக்க செல்லவும் தடை விதிக்கப்பட்டுள்ளது.
- பிரதமர் மோடி செல்லும் இடங்களில் மூன்றடுக்கு பாதுகாப்பு ஏற்பாடுகள் செய்யப்பட்டுள்ளன
- 3400 போலீசார் பாதுகாப்பு பணியில் ஈடுபட்டு வருகிறார்கள்
- ராமேஸ்வரம் மற்றும் தீவு பகுதி முழுவதும் காவல்துறையினர் பாதுகாப்பு வளையத்தில் கொண்டுவரப்பட்டுள்ளது
- ட்ரோன் போன்றவை பறக்கவும் தடை விதிக்கப்பட்டுள்ளது.
Breaking News LIVE: தடைகளுக்கு எல்லாம் அஞ்ச மாட்டோம் - பாஜக தலைவர் அண்ணாமலை ஆவேசம்
ராமர் கோயில் சிறப்பு பூஜைகளுக்கு தமிழ்நாடு அரசு விதிக்கும் தடைகளுக்கு எல்லாம் அஞ்ச மாட்டோம். கோயில்களில் நடக்கும் சிறப்பு பூஜைகளை யார் தடுக்கிறார்கள் என தமிழ்நாடு பாஜக தலைவர் அண்ணாமலை ஆவேசமாக தெரிவித்துள்ளார்.
Breaking News LIVE: மக்களுக்கு பதிலளிக்க வேண்டிய கடமையுள்ளது: அமைச்சர் சேகர்பாபுவுக்கு நிதியமைச்சர் நிர்மலா சீதாராமன் பதிலடி
பொய் செய்தி பரப்புவதாக அமைச்சர் சேகர்பாபு சொன்ன கருத்துக்கு மத்திய நிதியமைச்சர் நிர்மலா சீதாராமன் பதில் அளித்துள்ளார்.
திரு. சேகர் பாபு அவர்களே, உங்கள் tweet க்கு பதில்கொடுக்கும் வகையிலே தரவுடன்/ஆதாரத்துடன் மக்கள் எடுத்துகாட்டுகிறார்கள். இந்துக்களின் வழிபாட்டு முறையில், மாற்றி மாற்றி, இடையூறுகளை ஏற்படுத்துவதை TN முழுவதிலிருந்தும் வரும் செய்திகளுக்கு முற்றப்புள்ளி வைக்கவேண்டிய கடமை உங்களுடையது.
— Nirmala Sitharaman (@nsitharaman) January 21, 2024
ராமர் கோவில் கும்பாபிஷேகம் : நிர்மலா சீதாராமன் சொல்லு விஷயம் உண்மைக்கு புறம்பானது - அமைச்சர் சேகர் பாபு
— P.K. Sekar Babu (@PKSekarbabu) January 21, 2024
Breaking News LIVE: ஆப்கானில் இந்திய விமானம் விபத்தா..? விமான போக்குவரத்து அமைச்சகம் மறுப்பு
ஆப்கானில் இந்திய விமானம் விபத்துக்குள்ளானதாக வெளியான தகவலுக்கு இந்திய விமான போக்குவரத்து அமைச்சகம் மறுப்பு தெரிவித்துள்ளது. ஆப்கானிஸ்தானில் விபத்துக்குள்ளான விமானம் இந்திய விமானம் அல்ல, மொராக்கோ நாட்டை சேர்ந்த விமானம் என தகவல் வெளியாகியுள்ளது.
Breaking News LIVE: நாளை அதிகாலை லேசான பனிமூட்டத்திற்கு வாய்ப்பு - வானிலை ஆய்வு மையம் தகவல்
தமிழ்நாட்டில் நாளை ஓரிரு இடங்களில் லேசான பனிமூட்டத்திற்கு வாய்ப்புள்ளதாக வானிலை ஆய்வு மையம் தகவல் தெரிவித்துள்ளது.
தலைப்பு செய்திகள்
ட்ரெண்டிங் செய்திகள்
