பெங்களூரு மக்களுக்கு குட் நியூஸ்..மஞ்சள் வழித்தடத்தில் காத்திருப்பு நேரம் குறையும்! 12 நிமிடங்களில் மெட்ரோ ரயில் சேவை!
தற்போது, ரயில்கள் பீக் ஹவர்ஸில் 15 நிமிட இடைவெளியில் இயக்கப்படுகின்றன. இதனால் பல நிலையங்களில், குறிப்பாக எலக்ட்ரானிக் சிட்டி மற்றும் அதைச் சுற்றியுள்ள பகுதிகளில் கூட்டம் அதிகமாக உள்ளது.
பெங்களூரு மெட்ரோ ரயில் மஞ்சள் வழித்தடத்தில் வரும் 22ஆம் தேதி ஆறாவது ரயில் பெட்டியை இயக்கத் தயாராகி வருகிறது. தற்போது, ரயில்கள் பீக் ஹவர்ஸில் 15 நிமிட இடைவெளியில் இயக்கப்படுகின்றன. இதனால் பல நிலையங்களில், குறிப்பாக எலக்ட்ரானிக் சிட்டி மற்றும் அதைச் சுற்றியுள்ள பகுதிகளில் கூட்டம் அதிகமாக உள்ளது.
காத்திருப்பு நேரம் 12 நிமிடங்களாக குறையும்
இந்த நிலையில், பெங்களூருவின் மஞ்சள் வழித்தடத்தில் டிசம்பர் 22 முதல் ஆறாவது ரயில் சேவை தொடங்கப்படுவதால், ரயில் சேவைகள் வேகமாக தொடங்கும். இதனால், பீக் ஹவர்ஸில் காத்திருக்கும் நேரம் சுமார் 12 நிமிடங்களாக குறையும்.
கொல்கத்தா அருகே தயாரிக்கப்பட்ட புதிய 6 பெட்டிகள் கடந்த மாத இறுதியில் பெங்களூருக்கு வந்தது. பயணிகளை ஏற்றிச் செல்லத் தொடங்குவதற்கு முன், ரயில் 750 கி.மீ. ஓட்டத்தை முடித்து, பிரதான பாதையில் சிக்னலிங் இடைமுக சோதனைகளுக்கு உட்படுத்த வேண்டும்.
டெக்கான் ஹெரால்டின் அறிக்கையின்படி, கிறிஸ்துமஸ் பண்டிகைக்கு முன்னதாக டிசம்பர் 22 ஆம் தேதி தொடங்குவதை நோக்கி நிறுவனம் செயல்பட்டு வருவதாக மூத்த அதிகாரி ஒருவர் உறுதிப்படுத்தினார். புதிய பெட்டி இணைப்பதால் பீக் ஹவர்ஸில் காத்திருக்கும் நேரம் தோராயமாக 12 நிமிடங்களாகக் குறைக்க அனுமதிக்கும். அதே வேளையில், தினசரி செயல்பாடுகள் காலை 6 மணிக்குத் தொடங்கும் என்றும், தொடக்க நேரத்தை முன்கூட்டியே அதிகரிப்பதற்கான உடனடித் திட்டங்கள் எதுவும் இல்லை என்றும் அதிகாரிகள் தெளிவுபடுத்தினர்.மேலும், பராமரிப்பு பணியின்போது ரயில் சேவை பாதிக்காமல் இருக்க ஒரு ரயிலையாவது இருப்பு வைக்கலாம் என்று மற்றொரு அதிகாரிகள் சுட்டிக்காட்டினர்.
பயணிகளின் தேவை மற்றும் அதிகரித்து வரும் பயணிகள் எண்ணிக்கை
ஆகஸ்ட் 11 ஆம் தேதி 19.15 கி.மீ தூர ஆர்.வி. சாலை - பொம்மசந்திரா வழித்தடம் திறக்கப்பட்டதிலிருந்து, பயணிகளின் எண்ணிக்கை நெட்வொர்க் முழுவதும் ஒரு மில்லியனைத் தாண்டியுள்ளது. இருப்பினும், மஞ்சள் வழித்தடத்தில் நீண்ட காத்திருப்பு, தாமதமாக திறக்கும் நேரம் குறித்து பல பயணிகள் கவலை தெரிவித்துள்ளனர்.
தற்போது, பீக் ஹவர்ஸில் ரயில்கள் 15 நிமிட இடைவெளியில் இயக்கப்படுகின்றன. இதனால் பல நிலையங்களில், குறிப்பாக எலக்ட்ரானிக் சிட்டி மற்றும் அதைச் சுற்றியுள்ள பகுதிகளில் கூட்டம் அதிகமாக உள்ளது.
ஆகஸ்ட் மாதாம் தொடங்கப்பட்டதிலிருந்து நிலையான விரிவாக்கம்
ஆகஸ்ட் 10 ஆம் தேதி மூன்று ரயில் பெட்டிகளுடன் திறக்கப்பட்ட மஞ்சள் பாதை, தெற்கு பெங்களூருக்கும் அதிக போக்குவரத்து நெரிசல் உள்ள எலக்ட்ரானிக் சிட்டி பெல்ட்டுக்கும் இடையில் பயணிக்கும் தொழில்நுட்ப ஊழியர்களுக்கு ஒரு முக்கிய இணைப்பாக செயல்படுகிறது. பெங்களூரு மெட்ரோ படிப்படியாக திறனை அதிகரித்து வருகிறது. செப்டம்பர் 10 ஆம் தேதி நான்காவது ரயில் பெட்டி இணைந்தது. இதனால், பயண நேரம் 25 நிமிடங்களிலிருந்து சுமார் 19 நிமிடங்களாகக் குறைந்தது.
ஆறாவது ரயில் பெட்டி இணைப்பால், தற்போது மாற்றுப் பயணிகள் உட்பட தினமும் 80,000 பயணிகளைக் கையாளும். மேலும், காத்திருப்பு நேரம் 15 நிமிடங்களிலிருந்து சுமார் 12 நிமிடங்களாகக் குறையும். புதிய டிஆர்எஸ்எல்-கட்டமைக்கப்பட்ட ரயில், தொடங்கப்பட்டதிலிருந்து நகரத்தின் மிகவும் பரபரப்பான ரயில்களில் ஒன்றாக மாறியுள்ள ஒரு பாதையில் செயல்பாடுகளை அதிகரிக்கும் என்று எதிர்பார்க்கப்படுகிறது.
தலைப்பு செய்திகள்
ட்ரெண்டிங் செய்திகள்
